NEHEMIAH 5:5 - Lai (Hakha) Common Language Bible 2006

⁵ Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

NEHEMIAH 5:5 ပူးပေါင်းရင်းမြစ်များ

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

GENESIS 37:27

Ishmael mi hna sinah khin zuar u sih. Cu ti kan tuah ahcun amah thah kha a herh lai lo, a ngaingai ti ahcun kan nau pei a si, kan thi le kan sa pei a si ve,” a ti. A unau pawl cu an hna a tla.

2 SIANGPAHRANG 4:1

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu Bawipa a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

PHUNGTHLÛKBIA 22:7

Mirum nih misifak kha an uk hna, cawitu cu coihtu sal a si.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

ISAIAH 58:7

A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

MATTHAI 18:25

Cu sal nih cun a leiba chamnak a ngeih lo caah a bawipa nih cun cu pa cu a nupi he a fale he a ngeihmi thil vialte he leiba chamnak dingah cun sal ah zuar si hna seh, tiah a ti.