NEHEMIAH 5:15 - Lai (Hakha) Common Language Bible 2006

¹⁵ Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

NEHEMIAH 5:15 ပူးပေါင်းရင်းမြစ်များ

GENESIS 20:11

Abraham nih cun a leh ve i, “Hika ah hin Pathian a ṭihmi pakhat hmanh an um lai lo i ka nupi duh ah hin keimah tu kha an ka thah lai tiah ka rak ruah caah a si.

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

NEHEMIAH 5:16

Hi kulhnak vampang remhnak rian ah hin ka thazang a dih-umnak in ka chuah i keimah caah vawlei zeihmanh kaa lakmi a um lo; cun ka sinum vialte hna cu khika ah rian ṭuan awkah cun an um.

NEHEMIAH 5:9

Cucaah ka thawh hna i, “Nannih nih nan tuahmi hi a ṭhalo. Kannih kan ral miphun dang hna mit hmuh soisel awk um lo kan si nakhnga Pathian ṭih bu tein nan nun awk a si.

JOB 31:23

Pathian ṭihnak cu ka cungah a um i a lianhngannak cu ka ṭih caah hi thil cu ka tuah ngam hna lo.

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 29:12

Uktu nih lihbia kha a ngaih ahcun, a kut toi ummi bawi vialte kha miṭhalo an si lai.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

JEREMIAH 32:9

Cucaah Anathoth khua i lo cu ka unau Hanamel sin khan ka cawk i a man cu ka thlaipiak, ngun shekel hleisarih a si.

ṬAHNAK HLA 5:8

Sal hna cu kan uktu ah an i cang i annih sinin a kan chuahtu ahohmanh an um lo.

MATTHAI 5:47

Cun nan hawikom lawng kha nan chawnh hna ahcun, zeital a hlei in nan tuahmi a um maw? Pathian bia lo hmanh nih cucu an tuah ko ṭung.

2 KORIN 11:9

Nan sin i ka um lioah khan, phaisa ka herh tikah nanmah cu hna kan hnawh hna lo, Masidonia in a rami kan unau pawl nih ka herhmi vialte cu tlamtling tein an rak ka phorh. Kan hnulei i a si cang bantukin kan hmailei zongah siseh ti ka duh: nan caah thilrit ka si bal lai lo.

2 KORIN 12:13

Khrihfabu dang nakin zeitindah chia hlei in kan ti hna? Bawmhnak ka pe u tiin hna kan hnawh hna lo lawng hi chia hlei in kan tinak hna a si ko lo maw? Nan cungah a tlari deuh in ka um rua lo caah ka ngaithiam u.

1 SAMUEL 8:15

Nan rawl le nan mitsur dum chungin cheu hra cheu khat kha a lak lai i, a bawi hna le a rianṭuantu hna kha a pek hna lai.