NEHEMIAH 5:12 - Lai (Hakha) Common Language Bible 2006

¹² Cun annih nih, “Mah hihi kan khirh hna lai i an sinin zeihmanh kan la ti lai lo. Na chim bangin kan tuah lai,” an ti. Cun tlangbawi hna kha ka auh hna i an chim bangin tuah awkah chiat ka serter hna.

NEHEMIAH 5:12 ပူးပေါင်းရင်းမြစ်များ

EZRA 10:12

Cun aa pummi vialte nih aw thang piin, “A si taktak ko; na chim bangin kan tuah lai.

EZRA 10:5

Cucaah Ezra cu a tho i tlangbawi hna lak i hruitu deuhdeuh hna kha le Levi mi hna le Israel mi vialte kha an chim cang bantuk khan tuah awkah chiat a serter hna. Cucaah chiat cu an ser.

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

NEHEMIAH 10:30

“Hi ram mi hna kha kan fanule cu nupi caah kan pe hna lai lo i an fanule hna zong kan fapale hna nupi caah kan la hna lai lo;

NEHEMIAH 10:31

cun hi ram mi hna nih sabbath ni ah thilri siseh, rawl siseh, zuar awkah an ratpi ahcun kannih nih sabbath ni le nizarh ni ahcun kan caw hna lai lo; cun kum sarihnak kum theipar hna cu kan la hna lai lo i leiba ca biahrennak ca i hrenmi hna cu kan chuah dih hna lai.

NEHEMIAH 13:25

Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

NEHEMIAH 5:11

Nihin hrimhrim ah hin an lo le an mitsur dum le an oliv dum le an inn le a miak nan lakmi le rawl le mitsur hang le chiti, annih sinin nan lakmi kha khirh hna u,” tiah ka ti.

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.