NEHEMIAH 4:6 - Lai (Hakha) Common Language Bible 2006

⁶ Cuticun vampang cu a dihlak in a sanlei a canceo tiang cu aa tlai thliahmah in kan remh hna, hihi cu zeitindah a si khawh ti ah cun mi nih khan rian ṭuan duhnak lungthin an ngeih caah a si.

NEHEMIAH 4:6 ပူးပေါင်းရင်းမြစ်များ

1 CHANRELNAK 29:14

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.

1 CHANRELNAK 29:3

Hi vialte hleiah hin keimah pumpak ta chungin sui le ngun kha kan Pathian inn ka ṭanh caah Pathian biakinn caah cun ka thawh hna:

2 CHANRELNAK 29:36

Cun Pathian nih mi zapi ca i a tuahmi caah khan Hezekiah le mi vialte cu an i lawm; zeicahtiah cu thil cu duak tiah a hung ummi a si ko.

NEHEMIAH 4:5

Annih nih khua remhtu hna cu lang hngan in an thin an phawh hna caah an mawhnak cu khuhpiak hna hlah law an sualnak cu cazin chungin hlohpiak hna hlah.

NEHEMIAH 4:7

Sihmanhsehlaw Sanballat le Tobiah le Arab mi hna le Ammon mi hna le Ashdod mi hna nih, Jerusalem kulhnak vampang remhnak cu hma a kal i a kehkuainak hmun hna kha phih an si pah lengmang cang ti kha an theih tikah an thin a hung ngaingai;

NEHEMIAH 6:15

Cucaah kulhnak vampang cu Elul thla ni kul le ni nga ni ah, ni sawm nga le ni hnih chungah lim a si.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 122:3

Jerusalem cu i rem ṭhipṭhep le i dawh cikcek in sakmi khua a si.

HAGGAI 1:14

“Bawipa nih, ‘Nan sinah ka um ko,’ a ti,” tiah a ti. Khi tikah Bawipa nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni kul le ni li ni Darius a bawi kum hnihnak ah cun an ra i

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.