NEHEMIAH 4:3 - Lai (Hakha) Common Language Bible 2006

³ Ammon mi Tobiah kha a pawngah cun a um i, “Asi, an sakmi cu — an sakmi lung vampang cu cenghngia nih hun kainak seh law a cim ko lai hen pei!” tiah a ti.

NEHEMIAH 4:3 ပူးပေါင်းရင်းမြစ်များ

1 SIANGPAHRANG 20:10

Benhadad nih a sinah cun a hei thlah hna i, “Cu bangin pathian hna nih ka cungah tuah hna seh law tam deuh zongin tuah hna seh, Samaria khua leidip cu a ka zultu hna caah pei khat cio in a zaat ding a si ahcun,” tiah a ti.

1 SIANGPAHRANG 20:18

Annih nih, “Daihnak ca an ra chuah a si ahcun, a nung in tlai hna u i tuk awk i an ra chuah a si zongah, a nung in tlai hna u,” tiah a ti.

2 SIANGPAHRANG 18:23

Cucaah cun ra law Assiria siangpahrang ka bawipa he biakamnak ser tuah u: Nangmah nih aa cittu dingmi naa hmuh khawh hna ahcun, rangtum thong hnih kan pek lai.

NEHEMIAH 2:10

Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

NEHEMIAH 2:19

Sihmanhsehlaw Horon mi Sanballat le Ammon mi Tobiah, a sinum le, Arab mi Geshum nih mah cucu an theih tikah an kan nihsawh i an kan serhsat i, “Mah hi nan tuahmi hi zeidah a si? Siangpahrang maw nan doh?” tiah an kan ti.

NEHEMIAH 6:1

Sanballat le Tobiah le Arab mi Geshem le kan ral hna nih khan kulhnak vampang cu ka remh dih cang i a pemnak a um ti lo ti kha an theih tikah, (cu caan tiangah cun kutka ah khan innkhar ka bunh rih hna lo nain),

ṬAHNAK HLA 5:18

Zeicahtiah Zion Tlang cu a ṭiao i A cungah cenghngia kha an i chawk.

DEUTERONOMI 23:3

“Ammon mi siseh, Moab mi siseh, ahohmanh Bawipa mi hna aa pummi chungah cun an lut lai lo; chan hra tiang hmanh in cu miphun a simi hna cu Bawipa mi hna aa pummi chungah cun zungzal in an lut lai lo;