NEHEMIAH 4:23 - Lai (Hakha) Common Language Bible 2006

²³ Cucaah keimah siseh, ka unau si hna seh, ka sinum si hna seh, ralvengtu a ka zultu si hna seh, ahohmanh thil kan i phoih lo, kan hriamnam kha kan i put i kan i tlaih cio dih.

NEHEMIAH 4:23 ပူးပေါင်းရင်းမြစ်များ

NEHEMIAH 4:22

Cun cu caan ah cun keimah nih mi zapi cu ka thawh hna i, “Kannih caah zan ah ralvengtu an si i chun ah rian ṭuantu an si nakhnga, ahohmanh nan salle cio he Jerusalem khua chungah ra riak cio u,” tiah ka ti fawn.

NEHEMIAH 5:1

Cun mi zapi cu nu he pa he an unau Judah mi hna cungah khan fak piin an au an khuang.

NEHEMIAH 5:16

Hi kulhnak vampang remhnak rian ah hin ka thazang a dih-umnak in ka chuah i keimah caah vawlei zeihmanh kaa lakmi a um lo; cun ka sinum vialte hna cu khika ah rian ṭuan awkah cun an um.

NEHEMIAH 7:2

ka unau Hanani le ralvennak inn uktu Hananiah kha Jerusalem khua zohkhenhnak rian cu ka pek hna, zeicahtiah amah cu midang tampi nakin zumhawktlak deuh le Pathian a ṭih deuhmi a si.

JOEL 2:8

Pakhat le pakhat kha a pah zong an i pah lo. Hmailei an kal kha ngol hlei lo tein tiva chungah khan an i paih;

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

BIACEIHTU 5:11

Ti toihnak hmun ah hlasatu pawl aw zulh in, Khika ah annih nih Bawipa teinak cu an nolh ṭhan, Israel chung i a khuate mi hna i an teinak cu, an nolh ṭhan. “Cun Bawipa mi hna cu kutka hna leiah cun an vung kal.

BIACEIHTU 9:48

Cun Abimelek cu a sin i a ummi vialte hna he tiah Zalmon Tlang ah an hung kai; cun Abimelek nih hreitlung pakhat aa put i chawlthep bur khat a sam i a tun i a liang ah aa chawnh. Cun a sin i a ummi hna kha, “Ka tuahmi nan hmuhmi hi khulrang tein ka tuah bantukin tuah ve u,” tiah a ti hna.