NEHEMIAH 4:16 - Lai (Hakha) Common Language Bible 2006

¹⁶ Cu ni thawk cun ka tang i rian a ṭuanmi hnarcheu lawng nih khan rian taktak cu an ṭuan i hnarcheu nih cun thir nga phaw angki kha i aih in an fei le an phaw le an li kha i tlaih in an dir; cun vampang remhnak rian a ṭuanmi Judah mi vialte kha bawi nih an zoh hna.

NEHEMIAH 4:16 ပူးပေါင်းရင်းမြစ်များ

NEHEMIAH 4:15

Zeizong vialte kan theih dih kha kan ral hna nih an theih i Pathian nih an khuakhannak cu a hrawhpiak hna i kulhnak vampang ah cun kan kir i kan dihlak in kanmah le kan rian cio kha kan ṭuan ṭhan.

NEHEMIAH 4:17

Thil phormi hna nih kut khat in an thil kha an i tlaih i kut khat in an hriamnam kha an i tlaih.

NEHEMIAH 4:23

Cucaah keimah siseh, ka unau si hna seh, ka sinum si hna seh, ralvengtu a ka zultu si hna seh, ahohmanh thil kan i phoih lo, kan hriamnam kha kan i put i kan i tlaih cio dih.

SALM 101:6

Zumhawktlak bikbik kha ka hawikom ah kaa thim hna lai i ka sal cu an nunning soi awk a um lomi kha an si lai.

EXODUS 28:32

A laifang ah khan lu chuahnak ding caah awng pakhat in na ser lai. Cu awng cu tlek hlah seh tiah a tlang na kawm lai, saphaw angki hngawng bantukin a tlang na kawm lai.

SOLOMON HLA 3:8

Cu hna nih cun kingthang nam put in, raltuk thiam ngai ko si hna; Zan khuamawt i ral nih an nam hna zawn ah Ralring camcin vainam khel thlaih in dah an um tawn zungzal.

JEREMIAH 46:4

Rang kha danh hna u law i cit hna u, maw rangleng ralkap hna! Thir luchin chinh in umhmun khuar tuah u, Nan fei kha ta hna u law thir angki kha i hruk hna u!