NEHEMIAH 4:14 - Lai (Hakha) Common Language Bible 2006

¹⁴ Cun thil umtuning kha ka hei zoh i, tuavon hna le bawi hna le mi zapi a dang dang hna kha, “Annih cu ṭih hna hlah u. A lian a ngan i ṭih a nungmi Bawipa kha hngal camcin tuah u, cun nan unau hna le nan fapa hna le nan fanu hna le nan nupi hna le nan inn hna caah khan do hna u,” tiah ka ti hna.

NEHEMIAH 4:14 ပူးပေါင်းရင်းမြစ်များ

2 SAMUEL 10:12

Ralṭha ngaiin um tuah, cun kan mi hna le kan Pathian khua hna caah hin pasal si u sih; cun Bawipa nih a ṭha a tining paoh in tuah ko seh,” tiah a ti.

2 CHANRELNAK 32:7

“Ṭhawng u law nan ralṭha ko u. Assiria siangpahrang le a sinah a ummi mibu cu ṭih hna hlah u law nan lung zong dong hlah seh; zeicahtiah a ngan deuhmi pakhat a sin i a um lomi kan sinah a um.

NEHEMIAH 1:5

Cun kaa thawh i, “Maw Bawipa, vancung Pathian, nangmah an dawtu le na nawlbia a ulmi hna cung i biakamnak le a fekmi na dawtnak a hmunhtertu a lian a ngan i ṭih a nungmi Pathian,

JOB 37:22

Cun thli a hung hrang i a chem hna i chaklei in sui bantuk ceunak a hung chuak; Pathian cu ṭihnung lianhngannak in aa thuam.

SALM 143:5

A liam ciami ni kha ka hun thei ṭhan hna; nangmah nih na tuahmi thil vialte kha ka hun ruat ṭhan hna i na tuahmi thil vialte kha ka hun hngal ṭhan hna.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

SALM 66:5

Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

DANIEL 11:32

Biakamnak a rak hlawtmi hna cu lih in a lem khawh hna lai i annih cu amah leiah khan a mer khawh hna lai, sihmanhsehlaw an Pathian leiah zumhawktlak tein a ummi hna cu fek tein an dir lai i annih nih cun an rak doh ve lai.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

NAMBAR 14:9

Bawipa cu a doh bel do sawh hlah u; cun cu rammi cu ṭih hna hlah u, zeitintiah kan caah rawl pei an si ko cu; annih an himnak cu an sinin ṭhial a si cang, Bawipa cu kanmah he pei a um cu, ṭih hna hlah u,” tiah an ti.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

DEUTERONOMI 1:21

Zohhmanh, Bawipa nan Pathian nih ram cu nan hmaiah a chiah cang; hung kal u law, hung co u, Bawipa nan pupa hna Pathian nih an chimh hna bang khan; ṭih hlah u, nan lung zong dong hlah u,’ tiah kan ti hna.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

BIACEIHTU 3:27

A phak tikah Efraim tlangram ah cun muko a tum i Israel mi hna cu amah he tlangram cun an vung kal i amah nih cun a hrui hna.