NEHEMIAH 4:1 - Lai (Hakha) Common Language Bible 2006

¹ Sanballat nih vampang kan remh kha a theih tikah a thin a phawh i a thinhun in Judah mi hna cu nehsawh serhsat in a ti hna.

NEHEMIAH 4:1 ပူးပေါင်းရင်းမြစ်များ

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 2:10

Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

NEHEMIAH 2:19

Sihmanhsehlaw Horon mi Sanballat le Ammon mi Tobiah, a sinum le, Arab mi Geshum nih mah cucu an theih tikah an kan nihsawh i an kan serhsat i, “Mah hi nan tuahmi hi zeidah a si? Siangpahrang maw nan doh?” tiah an kan ti.

NEHEMIAH 6:15

Cucaah kulhnak vampang cu Elul thla ni kul le ni nga ni ah, ni sawm nga le ni hnih chungah lim a si.

NEHEMIAH 6:16

Cun kan ral vialte nih an theih tikah, kan pawngkam i a ummi miphun vialte hna cu an thin a phang i anmah le anmah an i zumhnak kha a ṭum ngaingai; zeicahtiah hi rian cu kan Pathian bawmhnak thawngin liim a si ti kha an hngalh.

JEREMIAH 38:19

Cun Siangpahrang Zedekiah nih cun Jeremiah sinah khan, “Khaldi mi hna sinah a zammi Judah mi kha ka ṭih hna, zeicahtiah kha hna kut chungah khan Khaldi mi hna nih hin an ka chanh lai i ṭhalo in an ka tuah sual lai,” tiah a ti.

MATTHAI 2:16

Herod nih, nichuahlei mifim hna nih an ka hlen, ti kha a hngalh tikah, a thin a hung ngaingai. Arfi a chuahnak kong nichuahlei mifim hna nih an chimning khan a caan cu a tuak i Bethlehem khua le a pawngkam i a ummi khua hna chung i ngakchiapa kum hnih ri in a tanglei paoh kha thah dih hna awkah nawlbia a pek hna.

MATTHAI 27:29

Cun hling nge in bawi luchin kha an phiar i a lu ah an chinh. A orhlei kut ah fung an putter. Cun a hmaiah an kun i an cawhdeh i, “Judah Siangpahrang cu saupi nung ko seh,” tiah an au;

LAMKALTU 5:17

Cun Tlangbawi Ngan le a hawile hna, cuka hmun i a ummi Sadusi pawl chungmi a simi hna nih khan lamkaltu pawl cu an nahchuah ngaingai hna i cucaah an cungah rian kan ṭuan cang lai, tiah an ti.

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.