NEHEMIAH 3:14 - Lai (Hakha) Common Language Bible 2006

¹⁴ Rekhab fapa Malkhijah, Beth-hakkherem peng a uktu nih khan Hnawmpon Kutka kha a remh; amah nih cun a ser ṭhan i a innkhar hna le a hrenhnak awng hna le a hrenhnak fung hna kha a bunh hna.

NEHEMIAH 3:14 ပူးပေါင်းရင်းမြစ်များ

2 SAMUEL 4:2

Saul fapa nih khan ral hranh bu haotu mi pahnih a ngeih hna i pakhat min cu Baanah a si i a dang pakhat min cu Rekhab a si, annih cu Beeroth khuami Benjamin phun Rimmon fapa an si (zeitintiah Beeroth zong khan Benjamin ta ah rel chih a si;

2 SIANGPAHRANG 10:15

Cun khika in a kal tikah, Rekhab fapa Jehonadab kha amah ton awkah a ra; daihnak a pek i, “Na cung i ka lung zumhawktlak a si bantuk hin nang tah ka cungah na si ve maw?” tiah a ti. Cun Jehonadab nih, “Asi,” tiah a leh. Jehu nih, “A si ahcun, na kut ka chan tuah,” tiah a ti. Cucaah a kut kha a chanh. Cun Jehu nih amah sinah rangleng chungah khan a vun hnuh.

1 CHANRELNAK 6:40

Shimea cu Mikhael fapa a si, Mikhael cu Baaseiah fapa a si, Baaseiah cu Malkhijah fapa a si,

NEHEMIAH 12:31

Khi tikah Judah bawi pawl kha kulhnak vampang cungah cun ka hun kalpi hna i Lawmhnak hlasatu dingah bu hnih ah ka ser hna. Bu khat cu orhlei ah an kal i vampang zulh thluahmah khan Hnawmpon Kutka leiah khan an kal;

NEHEMIAH 2:13

Zan ah kaa chawk i Nelrawn Kutka in Cenghngia Tikhor tiang, cun Hnawmpon Kutka tiang ka kal i Jerusalem kulhnak vampang a cimmi hna le mei nih a hrawhmi a kutka hna cu ka zoh hna.

NEHEMIAH 3:9

Anmah a hun changtu ah cun Jerusalem peng hnarcheu a uktu Refaiah, Hur fapa nih khan a remh.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.