NEHEMIAH 2:6 - Lai (Hakha) Common Language Bible 2006

⁶ Cun siangpahrang nih cun a ka thawh i (siangpahrang bawinu cu a pawngah khan a ṭhu), “Zei can dah na rauh hnga, cun zei tikah dah na ra kir ṭhan hnga?” tiah a ti. Cuticun siangpahrang nih keimah kalter kha a duhmi a si i kei nih caan cu ka tuk.

NEHEMIAH 2:6 ပူးပေါင်းရင်းမြစ်များ

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

NEHEMIAH 13:6

Cun mah thil a si lioah hin kei cu Jerusalem ah ka um lo, zeicahtiah Babilon siangpahrang Artazaksis a bawi kum sawm thum le kum hnihnak ah siangpahrang sinah cun ka va kal. Cun tlawmpal hnuah khin siangpahrang cu a khonh ka hal i

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

NEHEMIAH 2:5

Cun siangpahrang cu ka thawh i, “Siangpahrang duhnak a si i na hmaiah na sal nih hin mithmai ṭha ka hmuh a si ahcun, ka va remh nakhnga, Judah ram ka pupa hna thlan umnak khuapi ah cun ka kalter tuah,” tiah ka ti.

NEHEMIAH 5:14

Cuhleiah Judah ram chung i an uktu bawi si awkah rian pek ka si thawk in, Artazaksis siangpahrang a sinak kum kulnak in kum sawm thum le kum hnihnak tiang, kum hleihnih chung, keimah nih siseh, ka unau hna nih siseh, uktu bawi ca rawl kha kan ei lo.

ISAIAH 58:12

Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

ISAIAH 61:4

Saupi a rawk cangmi khua kha an remh ṭhan hna lai.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.