NEHEMIAH 2:5 - Lai (Hakha) Common Language Bible 2006

⁵ Cun siangpahrang cu ka thawh i, “Siangpahrang duhnak a si i na hmaiah na sal nih hin mithmai ṭha ka hmuh a si ahcun, ka va remh nakhnga, Judah ram ka pupa hna thlan umnak khuapi ah cun ka kalter tuah,” tiah ka ti.

NEHEMIAH 2:5 ပူးပေါင်းရင်းမြစ်များ

2 SAMUEL 14:22

Cun Joab cu vawlei ah a bawk i upatnak kha a tuah i siangpahrang kha thluachuahnak a pek; cun Joab nih a thawh i, “Siangpahrang ka bawipa, siangpahrang nih a sal nih a halmi a ka pek caah hin, na sal nih na hmaiah mithmai ṭha ka hmuh tiah nihin ah ka hngalh,” tiah a ti.

EZRA 5:17

Cucaah siangpahrang nih a ṭha tiah a ruah ahcun, Babilon i siangpahrang thilhlun khonnak ah khan rak kawl hna seh law, hi Pathian inn Jerusalem i a ummi sak ṭhannak caah hin Siangpahrang Sairas nih nawlbia a chuah maw chuah lo rak zoh hna seh. Cun siangpahrang nih hi kong i a duhnak kha kan kua seh,” tiah an ti.

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

NEHEMIAH 2:6

Cun siangpahrang nih cun a ka thawh i (siangpahrang bawinu cu a pawngah khan a ṭhu), “Zei can dah na rauh hnga, cun zei tikah dah na ra kir ṭhan hnga?” tiah a ti. Cuticun siangpahrang nih keimah kalter kha a duhmi a si i kei nih caan cu ka tuk.

ESTHER 1:19

Siangpahrang nih na duhnak a si ahcun, Vashti hi siangpahrang hmaiah chuak ti hlah seh, tiin, nangmah sinin siangpahrang nawlbia pakhat chuahter law, thlen ṭhan a si nakhnga lo Persia le Media nawlbia hna chungah ṭial si ve seh; cun siangpahrangnu sinak cu amah nakin a ṭha deuhmi sinah siangpahrang nih pe ko seh,

ESTHER 5:8

Siangpahrang hmaiah mithmai ṭha ka hmuh a si i kan nawlnak kha siangpahrang nih pek le kan halmi kha tlinter awk na duhnak a si ahcun, thaizing ah zanriah kan timhpiak ṭhan hna lai i siangpahrang le Haman cu ra ṭhan u law thaizing ah cun siangpahrang nih a chim bantukin ka duhmi cu kan chimh lai,” tiah a ti.

ESTHER 7:3

Khi tikah Esther Siangpahrangnu nih cun a leh i, “Na hmaiah mithmai ṭha ka hmuh a si ahcun, maw siangpahrang, cun siangpahrang na duhnak a si ahcun, kan nawlnak ah hin ka nunnak hi ka pe ṭhan law kan halnak ah hin ka miphun hi ka pe ṭhan tuah.

ESTHER 8:5

cun Esther cu a tho i siangpahrang hmaiah cun a dir. Cun aa thawh i, “Siangpahrang na duhnak a si i na hmaiah mithmai ṭha ka hmuh i siangpahrang na hmaiah hi thil hi ahmaanmi a si i na mit ka tlin a si ahcun, siangpahrang ram chung peng dihlak i a ummi Judah mi hna hrawhnak ding ca i Agag mi Haman, Hammedatha fapa nih a rak ṭialmi ca letnak caah khan nawlbia pakhat in ṭial si seh.

PHUNGTHLÛKBIA 3:4

Cuticun Pathian le minung mithmuh ah Mithmai ṭha le thangṭhatnak na hmuh lai.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

MATTHAI 23:27

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.

RUTH 2:13

Cun anih nih, “Ka bawipa, ka cungah na ṭha hringhran ko, zeitintiah ka hna na ka ngamter i, na salnu si ve hmanh hlah ning law, na salnu sinah hin bia nemnem na chim,” tiah a ti.