NEHEMIAH 2:3 - Lai (Hakha) Common Language Bible 2006

³ Cun siangpahrang cu ka thawh i, “Siangpahrang cu zungzal in nung ko seh! Ka pupa hna thlan umnak khuapi cu a rawh ko i a kutka hna cu mei nih a kangh dih hna tikah hin, zeicahdah hmaichia loin ka um hnga,” tiah ka ti.

NEHEMIAH 2:3 ပူးပေါင်းရင်းမြစ်များ

1 SIANGPAHRANG 1:31

Cun Bathsheba cu vawlei lei hoih in a kun i siangpahrang sinah cun upatnak a tuah i, “David Siangpahrang ka bawipa cu zungzal in nung ko seh!” tiah a ti.

2 SIANGPAHRANG 25:8

Thla nganak thla, a ni sarihnak ni ah, cucu Babilon siangpahrang Nebukhadnezzar Siangpahrang a bawi kum hleikuanak a si — Babilon siangpahrang sinum, a pum ralvengtu haotu Nebuzaradan kha Jerusalem ah a ra.

2 CHANRELNAK 21:20

Pen hram a thawk ah kum sawm thum le kum riat a si i Jerusalem in kum riat a pen; cun ahohmanh ngaihchiat loin a thi. David khua chungah khan an vui; sihmanhsehlaw siangpahrang hna thlan ah khan cun an vui lo.

2 CHANRELNAK 28:27

Cun Ahaz cu a pupa hna sinah a it i khua chungah, Jerusalem khua chungah cun an vui; Israel siangpahrang hna thlan ah khan cun an ratpi lo. Cun a fapa Hezekiah cu amah hmun ah khan a hung bawi.

2 CHANRELNAK 32:33

Cun Hezekiah cu a pupa hna sinah a it i David fapa hna thlan kainak ah khan an vui; Judah ram mi vialte le Jerusalem mi hna nih khan a thih ah cun upatnak an pek. Cun a fapa Manasseh cu amah hmun ah khan a hung bawi.

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

NEHEMIAH 1:3

Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

NEHEMIAH 2:13

Zan ah kaa chawk i Nelrawn Kutka in Cenghngia Tikhor tiang, cun Hnawmpon Kutka tiang ka kal i Jerusalem kulhnak vampang a cimmi hna le mei nih a hrawhmi a kutka hna cu ka zoh hna.

ESTHER 8:6

Zeicahtiah, zeitindah ka miphun cung i a tlung ding harnak hmuh cu ka in khawh lai? Zeitindah ka rualchan hna hrawh dih an si hmuh cu ka in khawh lai?” tiah a ti.

SALM 102:14

Hrawh dih cikcek a si ko nain na salle nih kan duh ṭhiamṭhiam, a rawk dih ko nain a cungah zaangfahnak kan ngei ṭhiamṭhiam.

SALM 102:15

Miphun kip nih Bawipa cu an ṭih lai, vawlei cung siangpahrang vialte nih a ṭhawnnak cu an ṭih lai.

SALM 137:6

nangmah kha kan hngalh camcin lo i kaa lawmhnak sang bik ah kan chiah lo ahcun, ka lei hi ka dang ah i beh seh.

SALM 38:7

Ka tak cu fak piin a lin i zual ngaiin ka zaw.

JEREMIAH 52:12

Babilon siangpahrang a bawi kum hleikuanak, thla nganak thla, cu thla ni hra ni ah khan, Babilon siangpahrang pum ralvengtu ralkap hna haotu Nebuzaradan cu Jerusalem ah a lut.

ṬAHNAK HLA 2:9

A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih Bawipa sinin langhnak an hmu fawn lo.

DANIEL 2:4

Khaldi mi hna nih cun Aramaik holh in an leh i, “Siangpahrang cu saupi nung ko seh! Na manhmi cu kan chim law a sullam cu kan in chimh lai,” an ti.

DANIEL 3:9

Nebukhadnezzar Siangpahrang cu an chimh i, “Siangpahrang cu saupi nung ko seh!

DANIEL 5:10

Siangpahrang le a bawi hna cu bia an i ruah lengmang lioah khin siangpahrang bawinu cu rawl danghnak khaan chungah cun a rung lut i, “Siangpahrang cu saupi nung ko seh! Zeicahdah na khuaruah a har i daang dihlak in na um.

DANIEL 6:21

Cun Daniel nih cun a hun leh i, “Siangpahrang cu saupi nung ko seh!

DANIEL 6:6

Cucaah hi vuanzi hna le mangki bawi hna nih hin siangpahrang ton khawhnak ding caan ṭha kha an bawh. Siangpahrang cu an thawh i,

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.