NEHEMIAH 2:19 - Lai (Hakha) Common Language Bible 2006

¹⁹ Sihmanhsehlaw Horon mi Sanballat le Ammon mi Tobiah, a sinum le, Arab mi Geshum nih mah cucu an theih tikah an kan nihsawh i an kan serhsat i, “Mah hi nan tuahmi hi zeidah a si? Siangpahrang maw nan doh?” tiah an kan ti.

NEHEMIAH 2:19 ပူးပေါင်းရင်းမြစ်များ

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 2:10

Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

NEHEMIAH 4:1

Sanballat nih vampang kan remh kha a theih tikah a thin a phawh i a thinhun in Judah mi hna cu nehsawh serhsat in a ti hna.

NEHEMIAH 6:6

A chungah cun hi bangin aa ṭial: “Nangmah le Judah mi hna cu ral thawh nan i timh caah nannih nih kulhnak vampang cu nan remh hna, tiah miphun hna sinah a thang i Geshem zong nih a chim ve. Cun an chimning ah cun nangmah cu an siangpahrang si kha na duh.

NEHEMIAH 6:9

Zeicahtiah annih nih an thinphang hna seh ti kha an ka duh i, “Rian ṭuan kha an kut nih a ngol lai i rian cu ngol a si lai,” tiah an ruah. Sihmanhsehlaw maw Pathian, ka kut cu ṭhawnter ko hna.

JOB 30:1

“Sihmanhsehlaw atu cu keimah nakin a no deuhmi hna nih cawhdeh awkah an ka nih, An pale hna cu ka tuurun cawngtu uico hna tluk fang i ka rak relmi an hei si ko ṭung hnga.

SALM 123:4

Mirum nih sau tuk an kan zawmhtaih cang i miporhlaw nih sau tuk an kan nihsawh cang.

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

SALM 80:6

Kan khua chingchan hna hmaiah ningzak in na kan umter i kan ral nih an lung diriam tein an kan nihsawh.

SALM 80:7

Kan kirpi ṭhan ko, Maw Lianngan Bik Pathian, na dawtnak kha kan cungah langhter law kannih nih khamhnak kan hmuh lai.

ISAIAH 36:5

A thawh hna i, “Bia nih hin ralkap lei ṭhawnnak le thiamnak hi a tei khawh tiah dahra nan zumh? Keimah doh hi aho nih khin dah a kan bawmh ngam hnga tiah nan ruah?

JEREMIAH 20:8

Bia ka chim paoh ah a au in au a hau i Zaang-ennak le rawhralnak a um, tiah thanh a hau. Bawipa, na bia ka chim ruangah serhsat le nihsawh ka si thluangthluan ko.

JEREMIAH 41:10

Cun siangpahrang fanu hna le Mizpah khua i a tangmi a dang vialte hna, ralbawi Nebuzaradan nih Gedaliah kut tangah a chimmi hna kha Ishmael nih a tlaih hna i Ammon ram leiah aa kalpi hna.

MATTHAI 9:24

“Nan dihlak in chuak tuah u! Ngakchia nute hi a thih ṭung lo, aa hngilh i pei a si ko cu,” tiah a ti hna. Annih nih an nihsawh,

MARKA 5:40

Annih nih cun a nih in an nih i cucaah an dihlak in a chuahter hna i ngakchianu a nu le a pa le a zultu pathum hna kha aa kalpi hna i ngakchianu an suannak khaan chungah cun an va lut.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

JOHAN 19:12

Cu bia cu Pilat nih a theih tikah Jesuh cu zeitindah ka luatter khawh lai tinak lam kha a kawl. Sihmanhsehlaw Judah mi cu a au in an au i, “Na thlah a si ahcun nang cu Sizar hawi na si lo. Siangpahrang ka si tiah aa timi paoh cu Sizar ral an si,” an ti.

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.