NEHEMIAH 2:18 - Lai (Hakha) Common Language Bible 2006

¹⁸ Cun ka Pathian kut ka cung i ṭhatnak caah a ummi le siangpahrang nih ka sinah a chimmi bia hna kha annih cu ka chimh hna. Cun annih nih an i thawh i, “Tho u si law sa u sih,” an ti. Cuticun rian ṭha ṭuan awk caah cun an kut cu an i ṭhawnter.

NEHEMIAH 2:18 ပူးပေါင်းရင်းမြစ်များ

2 SAMUEL 2:7

Cucaah nan kut kha ṭhawng hna seh law nan ralṭha ko u; zeitintiah nan bawipa Saul cu a thi cang i Judah hrin hna nih annih cung i siangpahrang ah keimah cu chiti an ka thuh cang,” tiah a ti hna.

1 CHANRELNAK 11:10

Mah hna hi David miṭhawng hna upa bikbik cu an si, Israel mi kong i Bawipa bia ning khan, amah kha siangpahrang i ser awkah Israel mi vialte hna he hmunkhat ah a pennak chungah khan fak piin an bawmh.

1 CHANRELNAK 19:13

Ralṭha ngaiin um tuah, kan mi hna le kan Pathian khua hna caah hin pasal si u sih; cun Bawipa nih a ṭha a tining paoh in tuah ko seh,” tiah a ti.

2 CHANRELNAK 32:5

Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

NEHEMIAH 2:8

cun biakinn kulhnak kutka ca kaan le khua kulhnak vampang caah le keimah umnak ding inn caah thing a ka pek nakhnga, siangpahrang tupi uktu Asaf cu va pek awkah ca pakhat in ka pe fawn,” tiah ka ti. Cun ka Pathian velngeihnak cu ka sinah a um caah ka halmi cu siangpahrang nih a ka pek.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

1 SAMUEL 23:16

Cun Saul fapa Jonathan kha a tho i David sinah Horesh ah khan a kal i amah kha Pathian ah a kut a fehter.