NEHEMIAH 2:10 - Lai (Hakha) Common Language Bible 2006

¹⁰ Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

NEHEMIAH 2:10 ပူးပေါင်းရင်းမြစ်များ

NEHEMIAH 13:1

Khi ni ah khan mi zapi hmaiah cun Moses cauk chung khan an rel tikah Ammon mi hna le Moab mi hna cu ahohmanh, Pathian mi aa pummi hna chungah an luh awk a si lai lo, tiah aa ṭial kha an hmuh;

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 13:4

Cun mah hi hlanah hin, kan Pathian inn i thil chiahnak khaan hna kha zohkhenhtu ah rian an pek i Tobiah he i ṭhitumnak in aa pehtlaimi tlangbawi Eliashib nih khan,

NEHEMIAH 2:19

Sihmanhsehlaw Horon mi Sanballat le Ammon mi Tobiah, a sinum le, Arab mi Geshum nih mah cucu an theih tikah an kan nihsawh i an kan serhsat i, “Mah hi nan tuahmi hi zeidah a si? Siangpahrang maw nan doh?” tiah an kan ti.

NEHEMIAH 4:7

Sihmanhsehlaw Sanballat le Tobiah le Arab mi hna le Ammon mi hna le Ashdod mi hna nih, Jerusalem kulhnak vampang remhnak cu hma a kal i a kehkuainak hmun hna kha phih an si pah lengmang cang ti kha an theih tikah an thin a hung ngaingai;

NEHEMIAH 6:1

Sanballat le Tobiah le Arab mi Geshem le kan ral hna nih khan kulhnak vampang cu ka remh dih cang i a pemnak a um ti lo ti kha an theih tikah, (cu caan tiangah cun kutka ah khan innkhar ka bunh rih hna lo nain),

NEHEMIAH 6:16

Cun kan ral vialte nih an theih tikah, kan pawngkam i a ummi miphun vialte hna cu an thin a phang i anmah le anmah an i zumhnak kha a ṭum ngaingai; zeicahtiah hi rian cu kan Pathian bawmhnak thawngin liim a si ti kha an hngalh.

ESTHER 10:3

Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.

SALM 112:10

Miṭhalo pawl nih khan hihi an hmuh i an ing a puang, an hacang lawng an rial ko; an rak i ruahchanmi kha pakpalawng ah a can dih bantuk khan annih zong an lo ve.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

PHUNGTHLÛKBIA 30:22

Cu hna cu sal siangpahrang ah a can le Mihrut a duhduh in ei awk a hmuh le

PHUNGCHIMTU 10:7

sal nih rang an i cit i bawi nih sal bantukin an ke in an kal hi a si.

ISAIAH 15:5

Moab caah ka lung a fak hringhran. Mi cu Zoar khua ah an zam. A cheu cu an ṭah pah in Luhith lam leiah khan an hung kal; a cheu cu Horonaim leiah khan an zam i an i ṭah sek.

JEREMIAH 41:10

Cun siangpahrang fanu hna le Mizpah khua i a tangmi a dang vialte hna, ralbawi Nebuzaradan nih Gedaliah kut tangah a chimmi hna kha Ishmael nih a tlaih hna i Ammon ram leiah aa kalpi hna.

JEREMIAH 48:34

Heshbon khuami hna le Elealeh khuami hna cu an ai i an ai thawng cu Jahaz tiangin a thang; Zoar i a ummi hna nih an rak theih i Horonaim le Eglath-shelishiyah tiangin a thang. Nimrim tivate hmanh kha a car dih.

JEREMIAH 48:5

Luhith i hung kainak ah khan mi cu ṭah buin an kai; Horanaim i vung ṭumnak ah khan. ‘Rawknak,’ ti thawng kha an theih.

LAMKALTU 4:2

Lamkaltu pahnih hna nih khan mizapi cu, mithi mi kha thihnak in an tho ṭhan lai, zeicahtiah Jesuh kha thihnak in a tho ṭhan cang i cu nih cun mithi mi kha nunnak ah an tho ṭhan lai ti kha a fianter tiin an cawnpiak hna caah, an cungah khan an thin a hung ngaingai.

LAMKALTU 5:24

Cu thawng cu biakinn cawngtu bawi le tlangbawi upa hna nih khan an theih tikah, lamkaltu hna cungah cun zei ko dah a tlung hnga, tiah an khuaruah a har.