NEHEMIAH 13:4 - Lai (Hakha) Common Language Bible 2006

⁴ Cun mah hi hlanah hin, kan Pathian inn i thil chiahnak khaan hna kha zohkhenhtu ah rian an pek i Tobiah he i ṭhitumnak in aa pehtlaimi tlangbawi Eliashib nih khan,

NEHEMIAH 13:4 ပူးပေါင်းရင်းမြစ်များ

NEHEMIAH 12:10

Cun Jeshua cu Joiakim pa a si, Joiakim cu Eliashib pa a si, Eliashib cu Joiada pa a si,

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 2:10

Sihmanhsehlaw Horon mi Sanballat le a sinum Tobiah, Ammon mi kha, Israel fale hna kha an nunnuamhnak kawlpiak awkah mi a ra, ti an theih tikah lungnuam lo ngaiin an um.

NEHEMIAH 3:1

Khi tikah tlangbawi ngan Eliashib kha a unau tlangbawi hna he khan an tho i Tuu Kutka kha an remh. An thianter i a innka kha an bunh hna; Za Innsang timi tiang khan an hei remh, Hananel Innsang timi tiang khan, cun an thianter.

NEHEMIAH 6:1

Sanballat le Tobiah le Arab mi Geshem le kan ral hna nih khan kulhnak vampang cu ka remh dih cang i a pemnak a um ti lo ti kha an theih tikah, (cu caan tiangah cun kutka ah khan innkhar ka bunh rih hna lo nain),