NEHEMIAH 13:25 - Lai (Hakha) Common Language Bible 2006

²⁵ Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

NEHEMIAH 13:25 ပူးပေါင်းရင်းမြစ်များ

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

EZRA 10:5

Cucaah Ezra cu a tho i tlangbawi hna lak i hruitu deuhdeuh hna kha le Levi mi hna le Israel mi vialte kha an chim cang bantuk khan tuah awkah chiat a serter hna. Cucaah chiat cu an ser.

EZRA 7:26

Cun na Pathian phungbia le siangpahrang nawlbia a ngai lomi paoh cu thah awk siseh, ram chungin ṭhawl awk siseh, a thil chuh awk siseh, thong thlak awk siseh, a cungah biakhiahnak kha fek tein tuah a si lai,” tiah a ti.

NEHEMIAH 13:11

Cucaah bawi pawl kha ka caak hna i, “Zeicahdah Pathian inn cu zamtak a si?” tiah ka ti hna. Cun hmunkhat ah ka pumh hna i an umnak hmun cio ah khan ka chiah hna.

NEHEMIAH 13:17

Khi tikah Judah ram tuavon pawl kha ka caak hna i, “Hi thil ṭhalo nan tuah i sabbath ni nan buar hi zeidah a si?

NEHEMIAH 13:24

an fale hnarcheu nih Ashdod holh khan an holh i Judah holh khan an holh kho lo, miphun dang hna holh lawng khan an holh kho.

NEHEMIAH 5:13

Ka puan zong kha ka thin i. “Hi biakamnak a tuah lomi paoh cu hi bantukin an inn cio le an rian cio in Pathian nih thing ko hna seh. Cu bang cun thin si ko hna seh law, lawngkarao in chiah si ko hna seh,” ka ti. Cun aa pummi vialte nih, “Amen,” an ti i Bawipa kha an thangṭhat. Cun mi nih bia an i kam bangkhan an tuah.

NEHEMIAH 5:6

Annih an aukhuannak le an chimmi bia hna cu ka theih tikah ka thin a hung ngaingai.

SALM 119:53

Miṭhalo nih na phunglam an hrawh ka hmuh tikah ka thin a hung.

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

PHUNGTHLÛKBIA 28:4

Phung a zul lomi nih cun miṭhalo kha an thangṭhat hna, sihmanhsehlaw phung kha a zulmi nih cun an doh hna.

ISAIAH 50:6

A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

DEUTERONOMI 7:3

Annih he nan i ṭhi-um lai lo, an fapa hna kha nan fanu hna cu nan pe hna lai lo, an fanule zong nan fapa hna caah nan la fawn hna lai lo.

JOSHUA 23:12

Nan i mer i hika ah nannih lakah a tang rihmi miphun hna hi nan fonh hna i nan ṭhit nan lak hna i an nu hna kha nan ṭhit hna i annih nih an in ṭhit ve hna ahcun,