NEHEMIAH 13:2 - Lai (Hakha) Common Language Bible 2006

² zeicahtiah annih nih Israel mi kha changreu le ti he rak dong loin chiatserh awkah Baalam kha an rak i roih lehlam — asinain, kan Pathian nih chiatserhnak cu thluachuahnak ah a canter.

NEHEMIAH 13:2 ပူးပေါင်းရင်းမြစ်များ

SALM 109:28

Annih nih cun chiat an ka serh lai, sihmanhsehlaw nang nih cun thluachuah na ka pek lai. A ka hremtu cu sung hna seh law na sal kei tu cu lunglawm in umning.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

DEUTERONOMI 23:3

“Ammon mi siseh, Moab mi siseh, ahohmanh Bawipa mi hna aa pummi chungah cun an lut lai lo; chan hra tiang hmanh in cu miphun a simi hna cu Bawipa mi hna aa pummi chungah cun zungzal in an lut lai lo;

DEUTERONOMI 23:4

zeicahtiah Izipt ram in nan chuah tikah lampi ah changreu le tiin an in dong hna lo i, Mesopotamia ram Pethor in Beor fapa Balaam kha nannih chiatserh awk caah an ruaih.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i