NEHEMIAH 13:12 - Lai (Hakha) Common Language Bible 2006

¹² Cun Judah ram mi vialte nih rawl le mitsur hang le chiti cheu hra cheu khat hna kha thilri khonnak inn chungah cun an rak put hna.

NEHEMIAH 13:12 ပူးပေါင်းရင်းမြစ်များ

2 CHANRELNAK 31:4

Cun tlangbawi hna le Levi mi hna kha Bawipa phungbia ah an i pek khawh nakhnga, Jerusalem mi hna cu tlangbawi hna le Levi mi hna nih an hmuh awk a simi kha nan pek hna lai tiah nawl a pek hna.

2 CHANRELNAK 31:5

Nawlbia cu ka kip ah an thanh tikah Israel mi nih tampi in rawl thar hmasa hna le mitsur hang le chiti le khuaihliti le lo in a chuakmi vialte kha an thawh i zeizong kip cheu hra cheu khat kha tam piin an rak put.

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

LEVITIKAS 27:30

“Ram chung thil, cheu hra cheu khat vialte cu, ram chung i thlakmi thlaici a si ah, thingkung hna theitlai a si ah, Bawipa ta a si; Bawipa ca i a thiangmi a si.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

MALAKHI 3:8

Minung nih Pathian cu hlen awk a si hnga maw? Si hrimhrim hlah, asinain nan ka hlen.

DEUTERONOMI 14:22

“Kum fate in lo in a chuakmi nan thlaici theipar vialte cu cheu hra ah cheu khat nan pekchanh lai.