NEHEMIAH 12:44 - Lai (Hakha) Common Language Bible 2006

⁴⁴ Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

NEHEMIAH 12:44 ပူးပေါင်းရင်းမြစ်များ

1 CHANRELNAK 23:28

“Sihmanhsehlaw annih an rian cu Bawipa inn rianṭuannak i Aaron fapa hna bawmh kha a si lai, annih nih tual hna le innchung dal hna kha an zohkhenh lai, a thiangmi thil vialte kha an thianhhlimh lai. Pathian inn chung rian zeipaoh kha an ṭuan lai;

1 CHANRELNAK 26:20

Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna.

1 CHANRELNAK 9:26

zeicahtiah kutka cawngtu upa bik pali, Levi mi a simi hna kha, Pathian inn chung dal hna le chawhlawn hna zohkhenhtu kha an si.

NEHEMIAH 10:36

cun phungbia chungah aa ṭial bangin, kan fapa hna lakah a chuak hmasa bik hna le kan saṭil hna lakah hrin hmasa bik hna le kan cawrun le tuurun hna chungah a chuak hmasa bik hna cu, kan Pathian inn ah, kan Pathian inn chung i rianṭuantu hna tlangbawi hna sinah khan ratpi awkah bia kan i kam fawn;

PHUNGTHLÛKBIA 8:34

Ka bia kha a ngai i ka kutka ah nifa a um i ka innka pawngin a ka hngakmi cu milunglawm an si.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

ROM 12:7

midang ca rianṭuan kha a si ahcun, cuticun kan ṭuan awk a si; cawnpiak kha a si ahcun kan cawnpiak hna awk a si;

DEUTERONOMI 18:8

A pa sinin a comi ro lengah, annih nih ei awk cu aa zat cio ah an co lai.