NEHEMIAH 12:43 - Lai (Hakha) Common Language Bible 2006

⁴³ Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.

NEHEMIAH 12:43 ပူးပေါင်းရင်းမြစ်များ

2 CHANRELNAK 20:13

Cu lioah cun Judah mi vialte hna cu an ngakchia hna le an nupi le an fale hna he, Bawipa hmaiah khan an dir.

2 CHANRELNAK 20:27

Cun annih cu, Judah ram mi le Jerusalem mi vialte cu, Jehoshafat nih a hmaisat hna i an tlung, Bawipa nih an ral hna cungah a lawmhter hna caah lunglawm in an tlung.

2 CHANRELNAK 7:10

Thla sarihnak thla, a ni kul le ni thumnak ni ah mi cu an inn ah an tlunter hna i Bawipa nih David le Solomon le a mi Israel mi hna cung i ṭhatnak a langhtermi ruangah lunglawm le thanuam in an tlung.

EZRA 3:13

cucaah lunglawmhnak au thawng le mi an ṭahnak thawng cu mi nih an thleidang kho lo; zeicahtiah mi cu fak piin an au i an au thawng cu lamhlat piin aa thei.

NEHEMIAH 12:27

Cun Jerusalem kulhnak vampang an pekchanh ah khan, lunglawmhnak le thanuamnak le hla in, sumsel, tingtang le thonglawi he tiah pekchanhnak cu conglawmh awkah Levi mi cu an umnak cio ah khan Jerusalem i ratpi awkah an va kawl hna.

NEHEMIAH 12:42

cun Maaseiah, Shemaiah, Eleazar, Uzzi, Jehohanan, Malkhijah, Elam le Ezer zong kha an dir. Cun hlasatu pawl cu an hruaitu Jezrahiah nih a hruai hna i hla an sa.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

SALM 27:6

Cucaah ka velchum i a ummi ka ral cu ka tei hna lai. Lunglawmhnak au thawng he a biakinn chungah ka raithawinak cu ka pekchanh lai; hla ka sa lai i Bawipa cu ka thangṭhat lai!

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 9:2

Nangmah thawngin lunglawm in hla ka sa lai, maw Cung Nung Bik, nangmah cu kan thangṭhat lai.

SALM 92:4

Bawipa, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

NAMBAR 10:10

Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

MATTHAI 21:15

Tlangbawi upa le Phungbia cawnpiaktu saya hna nih khan khuaruahharmi thil a tuahmi kha an hmuh i ngakchia nih, “David Fapa cu thangṭhat u,” tiin biakinn chungah an au kha an theih tikah an thin a hung i

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

JEIM 5:13

Nan lakah harnak a tongmi nan um ahcun, thla cam hna seh. A lung aa lawmmi nan um ahcun, thangṭhatnak hla sa hna seh.

1 SAMUEL 4:5

Bawipa biakamnak kuang cu riah-hmun chungah a phak tikah, Israel mi vialte cu fak piin an au i cucaah vawlei zong kha a tlerh dih.