NEHEMIAH 12:27 - Lai (Hakha) Common Language Bible 2006

²⁷ Cun Jerusalem kulhnak vampang an pekchanh ah khan, lunglawmhnak le thanuamnak le hla in, sumsel, tingtang le thonglawi he tiah pekchanhnak cu conglawmh awkah Levi mi cu an umnak cio ah khan Jerusalem i ratpi awkah an va kawl hna.

NEHEMIAH 12:27 ပူးပေါင်းရင်းမြစ်များ

2 SAMUEL 6:12

Cun Siangpahrang David kha an chimh i, “Bawipa nih Obededom innchungkhar kha Pathian kuang thawngin thluachuah a pek hna,” tiah an ti. Cucaah David cu a va kal i Obededom inn khan David khua ah lunglawmhnak in Pathian kuang kha a ratpi;

1 SIANGPAHRANG 8:63

Bawipa sin i pekchanhmi daihnak thawinak hna caah Solomon nih cawtum sang hnih thong hnih le, tuu sing khat sang hnih a pekchanh hna. Cuticun siangpahrang le Israel mi vialte nih Bawipa inn cu an pekchanh.

1 CHANRELNAK 13:8

Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um.

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

1 CHANRELNAK 15:16

David nih Levi mi haotu bik hna kha, nannih nan unaule hna cu hlasatu lunglawmhnak thawng thanter awkah, aw dawh thilri fak piin a tum ding le tingtang le thonglawi le sumsel a tum dingah nan thiah hna lai, tiah a ti hna.

1 CHANRELNAK 15:28

Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna.

1 CHANRELNAK 15:4

Cun David nih Aaron fapa hna le Levi mi hna kha a pumh hna:

1 CHANRELNAK 16:42

Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.

1 CHANRELNAK 16:5

An haotu bik cu Asaf a si, a hun dottu ah Zekhariah, Jeiel, Shemiramoth, Jehiel, Mattithiah, Eliab, Benaiah, Obededom le Jeiel an si, annih cu tingtang le thonglawi tumtu ding an si; Asaf cu sumsel tumtu ding a si,

1 CHANRELNAK 23:5

thong li cu kutka cawngtu an si lai i thangṭhatnak caah ka sermi hlasaknak thilri in thong li nih Bawipa kha thangṭhatnak an pek lai,” tiah a ti.

1 CHANRELNAK 26:31

Hebron mi hna chungah cun, an ciruang zei bantuk khum a si le an pale innchungkhar zei bantuk khum a si ah, Jerijah cu Hebron mi hna an upa bik a si. (David a bawi kum sawm linak kum ah mi kha an kawl hna i Gilead ram Jazer khua ah thil ti kho ngaingaimi kha an hmuh hna).

2 CHANRELNAK 29:25

Cun David le siangpahrang i a hmutu Gad le profet Nathan nawl peknak ning khan, Levi mi cu Bawipa inn chungah khan sumsel le tingtang le thonglawi he tiah a chiah hna; zeitintiah nawlbia cu Bawipa sinin a profet hna hmang in a ra.

2 CHANRELNAK 29:30

Cun siangpahrang Hezekiah le bawi hna nih khan Levi mi hna cu David bia le hmutu Asaf bia in Bawipa cu hla in thangṭhat u, tiah nawl an pek hna. Cun annih nih lunglawmhnak in thangṭhatnak hla kha an sak i an kun i an biak.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

2 CHANRELNAK 7:6

Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

EZRA 6:16

Cun hi Pathian inn pekchanhnak cu Israel mi hna le tlangbawi hna le Levi mi hna le saltannak in a kirmi a dang hna nih khan lunglawm ngaiin an hman.

NEHEMIAH 11:20

Cun a tang rihmi Israel mi hna cu Judah ram chung i khua ah khan anmah le an comi an ro cio hmun ah khan khua an sa.

NEHEMIAH 12:43

Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.

NEHEMIAH 8:17

Sal chuak aa pummi vialte nih khan deu cu an i sak cio i deu chungah cun an um; cucu Nun fapa Joshua chan thawk in cu ni tiang, Israel mi nih an tuah bal lomi kha a si i lunglawmhnak a ngan ngaingaimi kha a um.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 30:1

Maw Bawipa, nangmah nih na ka khamh i ka ral kha ka cungah diriam in na umter hna lo caah kan thangṭhat.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 20:5

Cun bawi hna nih cun mizapi sinah cun, ‘Inn thar a sa i a pechan rih lomi nan um maw? Cu pa cu a inn ah kir ṭhan seh, raltuknak hmun ah a thih sual ahcun midang nih an pekchanh sual lai.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.