NEHEMIAH 12:26 - Lai (Hakha) Common Language Bible 2006

²⁶ Jozadak fapa Jeshua i a fapa Joiakim chan le ram uktu bawi Nehemiah le tlangbawi le cazi a si kemhmi Ezra hna chan i thil umtuning cu mah hihi a si.

NEHEMIAH 12:26 ပူးပေါင်းရင်းမြစ်များ

2 CHANRELNAK 9:26

Cun Zufrates tiva in Filistin mi hna ram tiang, cun Izipt ramri tiang, cuka i a ummi siangpahrang vialte kha a uk hna.

EZRA 7:11

Cun mah hihi Siangpahrang Artazaksis nih Israel mi ca i Bawipa nawlbia hna le phungbia hna a thiam ngaingaimi cazi, tlangbawi Ezra sinah a pekmi ca a khawpi cu a si:

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

NEHEMIAH 8:1

Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

NEHEMIAH 8:9

Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.