NEHEMIAH 12:25 - Lai (Hakha) Common Language Bible 2006

²⁵ Mattaniah, Bakbukiah, Obadiah, Meshullam, Talmon le Akkub cu kutka conghnak inn i ral a vengtu kutka cawngtu kha an si.

NEHEMIAH 12:25 ပူးပေါင်းရင်းမြစ်များ

2 SIANGPAHRANG 7:10

Cucaah an ra i khua kutka cawngtu kha an auh hna i, “Siria mi riahhmun ah kan va kal i zohhmanh, khika ah ahohmanh an rak um lo, minung thawng le thlam zeihmanh a leng lo, aa hrengmi rang hna le aa hrengmi laa hna le an umning tein a ummi riahbuk hna dah ti lo cu zeihmanh a um lo,” tiah an chimh hna.

1 CHANRELNAK 23:32

Cuticun annih nih tonnak thlam le hmunthiang kha an zohkhenh hna lai i Bawipa inn rian ṭuannak ah khan an unau Aaron fapa hna kha an bawmh hna lai.”

1 CHANRELNAK 26:12

Kutka cawngtu pawl an ṭhenmi hna nih hin, an upa bikbik hna zat khan, an unau hna nih Bawipa inn chung i rian an ngeih bantuk te khan annih zong nih rian an ngei ve.

1 CHANRELNAK 26:15

Obededom camcawh fung cu thlanglei caah a chuak i a fapa hna cu thilchiahnak inn zohkhenh rian nih khan a kiah hna.

1 CHANRELNAK 26:17

Nifate in nichuahlei ah cun paruk lengmang an um, chaklei ah cun nifate in pali lengmang, thlanglei ah cun ni fate in pali lengmang, cun thil chiahnak inn ah khan pahnih veve;

2 CHANRELNAK 8:14

A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

ISAIAH 21:8

Ralvengtu nih cun, “Bawipa, ka ralvennak buk ah hin chun zan in ka dir ko,” tiah a au.