NEHEMIAH 11:17 - Lai (Hakha) Common Language Bible 2006

¹⁷ cun Mikah fapa Mattaniah kha a si, Mikah Cu Zabdi fapa a si, Zabdi cu Asaf fapa a si, Asaf cu hla hruaitu a si i amah nih cun lunglawmhnak thlacamnak ah hin a hruaitu hna a si, cun Bakbukiah kha a si, amah cu a unau hna lakah upa bik a hun changtu kha a si; cun Shammua fapa Abda kha a si, Shammua cu Galal fapa a si, Galal cu Jeduthun fapa a si.

NEHEMIAH 11:17 ပူးပေါင်းရင်းမြစ်များ

2 SAMUEL 9:12

Cun Mefibosheth nih fapa note pakhat a ngei i a min cu Mika a si. Cun Ziba inn chung i khua a sami vialte kha Mefibosheth sinum ah an cang dih.

1 CHANRELNAK 16:4

Cuhleiah Levi mi a cheukhat cu Bawipa kuang hmai i rianṭuantu ah, Bawipa, Israel Pathian sinah thlacam awk le lawmh awk le thangṭhat awkah, a thiah hna.

1 CHANRELNAK 16:41

An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,

1 CHANRELNAK 9:15

cun Bakbakkar, Heresh, Galal le Mattaniah, Mattaniah cu Mikah fapa; Mikah cu Zikhri fapa, Zikhri cu Asaf fapa;

NEHEMIAH 10:12

Zakkur, Sherebiah, Shebaniah,

NEHEMIAH 11:16

cun Pathian inn lenglei rian a zohkhenhtu, Levi mi hna lak i an upa bikbik Shabbethai le Jozabad kha an si;

NEHEMIAH 11:18

Khua thiang chung i a ummi Levi mi cu an dihlak ah za hnih sawm riat le pali an si.

NEHEMIAH 12:24

Pathian mi David nawl peknak ning khan, phu khat le phu khat nih aa chaang lengmang in thangṭhatnak le lawmhnak pek awk ah; an unau hna he hmaitonh in a ummi Levi mi upa bikbik hna cu Hashabiah, Sherebiah le Kadmiel fapa Jeshua an si.

NEHEMIAH 12:25

Mattaniah, Bakbukiah, Obadiah, Meshullam, Talmon le Akkub cu kutka conghnak inn i ral a vengtu kutka cawngtu kha an si.

NEHEMIAH 12:31

Khi tikah Judah bawi pawl kha kulhnak vampang cungah cun ka hun kalpi hna i Lawmhnak hlasatu dingah bu hnih ah ka ser hna. Bu khat cu orhlei ah an kal i vampang zulh thluahmah khan Hnawmpon Kutka leiah khan an kal;

NEHEMIAH 12:46

Zeicahtiah David chan ah khan Asaf nih hlasatu hna hruitu bik le Pathian thangṭhatnak le lawmhnak chimnak hla a rak hruitu hna kha a si.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.