NEHEMIAH 10:39 - Lai (Hakha) Common Language Bible 2006

³⁹ Israel mi le Levi mi hna nih cun rawl thawhlawm le mitsur hang thar thawhlawm le chiti thawhlawm kha hmunthiang umkheng chiahnak khaan hna le rian a ṭuantu hna tlangbawi hna le kutka cawngtu hna le hlasatu hna an umnak ah khan an rak put hna lai. Kannih nih kan Pathian inn cu kan daithlanh awk a si lai lo,” an ti.

NEHEMIAH 10:39 ပူးပေါင်းရင်းမြစ်များ

2 SIANGPAHRANG 7:10

Cucaah an ra i khua kutka cawngtu kha an auh hna i, “Siria mi riahhmun ah kan va kal i zohhmanh, khika ah ahohmanh an rak um lo, minung thawng le thlam zeihmanh a leng lo, aa hrengmi rang hna le aa hrengmi laa hna le an umning tein a ummi riahbuk hna dah ti lo cu zeihmanh a um lo,” tiah an chimh hna.

2 CHANRELNAK 31:11

Cun Hezekiah nih annih cu Bawipa inn chung i a dal hna kha timhtuah awkah nawl a pek hna i annih nih an timhtuah hna.

2 CHANRELNAK 31:12

Cun annih nih zumhawktlak tein thawhlawm le cheuhra cheukhat le pekchanhmi thil kha an rak put hna. Annih a zohkhenhtu bawi upa bik cu Levi mi Konaniah a si i a unau Shimei cu amah dottu a si;

NEHEMIAH 12:47

Cun Israel mi vialte nih Zerubbabel le Nehemiah chan ah khan hlasatu pawl le kutka cawngtu pawl kha nifa an covo a simi kha an pek hna; cun Levi mi ca i a simi kha a dang tein an chiah i Levi mi hna nih khan Aaron tefa hna ca i a simi kha a dang tein an chiah ve.

SALM 122:9

Bawipa kan Pathian inn ruangah, na ṭhatnak ding caah thla ka cam.

NAMBAR 18:26

“Cu hleiah, hi bangin Levi mi cu na chimh hna lai, ‘Israel mi hna sinin cheu hra cheu khat nan ro caah kan pekmi hna cu nan lak tikah, cu chung cun Bawipa sinah pekchanhnak nan pek lai, cheu hra cheu khat cungin cheu hra cheu khat kha.

NAMBAR 18:30

Cucaah annih sinah hi bangin na chim lai, ‘A ṭha bik kha nan pekchanh dih in, a tangmi cu Levi mi hna caah phuhri in a chuakmi rawl le mitsur nennak chung chuakmi mitsur hang ah rel a si lai i,

DEUTERONOMI 12:17

Nan rawl, nan mitsur hang le nan chiti chungin cheu hra cheu khat siseh, nan saṭil run chung le nan tuurun chung i fater si hna seh, bia nan i kammi nan biakamnak pekchanhnak si hna seh, mah lungthote nan pekchanhnak si hna seh, nan pekchanhmi pekchanhnak si hna seh, nanmah nan khua chungah nan ei hna lai lo;

HEBRU 10:25

Pakhat le pakhat hmun khat i i pumh lengmang kha ngol hlah u sih; a cheu nih cun ngol hmanh hna seh law, kannih cu i forh chin u sih, zeicahtiah Bawipa Ni cu a nai deuh chin lengmang ti kha kan hngalh caah i forh chin lengmang ko u sih.