NEHEMIAH 10:34 - Lai (Hakha) Common Language Bible 2006

³⁴ Kannih tlangbawi hna le Levi mi hna le mi zapi hna nih khan thing thawhlawm caah camcawh fung khiahnak kan tuah, kan tining ah cun, innchungkhar cio nih aa chang lengmang in thiahmi caan cio ah khan kum khat hnu kum khat in Bawipa kan Pathian biakṭheng cung i khangh awkah, nawlbia chungah aa ṭial bangin, kan Pathian inn chungah khan kan rak phorh hna lai, kan ti.

NEHEMIAH 10:34 ပူးပေါင်းရင်းမြစ်များ

1 CHANRELNAK 24:5

Annih cu an dihlak in aa lo cio ah, camcawhfung khiah in phawt an si, zeicahtiah Eleazar fapa hna le Ithamar fapa hna chungah khan Biakinn lei haotu hna le thlarau lei haotu hna kha an um veve.

1 CHANRELNAK 24:7

Camcawhfung hmasa bik cu Jehoiarib cungah a tla, pahnihnak cu Jedaiah cungah a tla,

2 CHANRELNAK 2:3

Cun Solomon nih Tair ram siangpahrang Huram kha bia a cah i, “Ka pa David cungah na rak tuah i amah a umnak ding inn saknak caah sidar thing na rak kuat bantuk khan, keimah zong ka kua ve tuah.

EZRA 3:5

cun cu hnuah cun pekchanh camcinmi khangh thawinak, thla thar i pekchanhnak le Bawipa ca i caan ngei in tuahmi puai hna i pekchanhnak le mah lungtho tein Bawipa sinah pekchanhmi thil hna kha an pekchanh hna.

NEHEMIAH 11:1

Mi zapi a hruitu hna cu Jerusalem khua ah khan an um; a tangmi mi zapi hna nih khan pahra chung i pakhat cu Jerusalem khua thiang chung i va um awkah camcawhfung an zuh, cheu hra cheu kua tu cu khua dang ah khan an um ko.

NEHEMIAH 13:31

cun a caan khiahmi pekchanhnak ca thing le theitlai hmasa bik hna caah khan keimah nih ka thawh. Maw ka Pathian, keimah cu ka ca i a ṭhatnak ding caah ka hngal camcin ko.

PHUNGTHLÛKBIA 18:18

Pa ṭhawng pahnih cu biaceihnak zung ah bia an i al ahcun, camcawhfung lawng nih an bia kha a khiah khawh.

ISAIAH 40:16

Lebanon tlang tupi chung saram vialte hna khi, kan Pathian sin raithawinak caah an i za lo, a thingkung vialte hna zong khi a mei kaunak caah an tlawm tuk.

LEVITIKAS 24:5

“Cun changvut dip na lak lai i changreu hlum hlei hnih in na ser lai; hlum khat ah ephah cheu hra cheu hnih lengmang a si lai.

LEVITIKAS 24:6

Sui thiang cabuai cungah cun tlang hnih in na chiah hna lai, tlang khat ah paruk lengmang in.

NAMBAR 28:2

“Israel mi cu nawl pe hna law, hi bangin chim hna, ‘Keimah sinah pekchanhmi thil, mei in keimah sin i pekchanhnak ca i ka rawl rimthaw cu, amah caan te ah keimah sin i pekchanh awk kha nan i ralring lai.’

LAMKALTU 1:26

Cun cu hna pahnih lakah aho deuh cu dah kan thim lai tinak caah camcawhfung an zuh i an thimmi cu Matthias kha a si; cun amah cu lamkaltu pahleikhat hna bu chungah khan a lut.

JOSHUA 9:27

Sihmanhsehlaw Joshua nih khi ni ah cun aa pummi ca le a thim laimi hmun i Bawipa biakṭheng caah annih cu nihin ni tiangin thing hlamtu le ti thantu ah a ser hna.