NEHEMIAH 10:32 - Lai (Hakha) Common Language Bible 2006

^32-33 Cun kan Pathian inn rian ṭuannak ca le hun camcinmi changreu ca le pekchanh camcinmi changvut thawinak ca le pekchanh camcinmi khangh thawinak ca le sabbath hna ca le thla thar hna ca le caan a ngeimi puai hna ca le thil thiang hna ca le Israel mi hna ca i remnak tuahnak ca i sual thawinak ca le kan Pathian inn rian ṭuannak dihlak ca i kumfate in shekel cheu thum cheu khat thawh awk zong kha, atu hin kan thawh lai, tiah kan ti.

NEHEMIAH 10:32 ပူးပေါင်းရင်းမြစ်များ

GENESIS 28:22

Philh lonak lung ah ka phunmi lung hi na inn a si lai i na ka pekmi thil vialte cheu hra ah cheu khat kan pek lai,” a ti.

1 CHANRELNAK 26:27

Raltuknak hmun i an teimi hranchaw chung khan Bawipa inn zohkhenhnak caah laksawng kha an pekchanh hna.

NEHEMIAH 13:15

Khi caan ah khan Judah ram chungah sabbath ni i mitsur hang an nen i rawl kha tam piin an rak phorh i laa cung i an chuan hna kha ka hmuh; cun mitsur hang le mitsur thei le theipi le thilrit a phunphun, Jerusalem i sabbath ni i an rak phorh zong kha ka hmuh fawn; cun rawl an zuar ni ah cun ralrinnak ka pek hna.

NEHEMIAH 13:18

Nan pupa hna nih hi bantukin an tuah caah kan Pathian nih hi ṭhat lonak hi kan cung le hi khua cungah hin a tlunter a si lo maw? Asinain nannih nih sabbath nan buarnak thawngin Israel cungah thinhunnak tam chinchin nan tlunter,” tiah ka ti hna.

NEHEMIAH 13:21

Sihmanhsehlaw ralrinnak ka pek hna i, “Zeicahdah kulhnak vampang hmaiah khan nan riah? Cu bantukin nan tuah ṭhan ahcun kan tlaih hna lai,” tiah ka ti hna. Cucaah cu thawk cun sabbath ni ah cun an ra ti lo.

NEHEMIAH 5:10

Keimah kong in ka chim a si ahcun, keimah le ka unau hna le ka tang i rian a ṭuanmi hna nih khan tangka le rawl kan cawih hna. Leiba ca i minung hren hi ngol u sih.

NEHEMIAH 9:14

annih cu a thiangmi na sabbath kha na hngalhter hna i nawlbia le phung le phungbia kha na sal Moses sinin na pek hna.

EXODUS 23:11

Sihmanhsehlaw kum sarihnak kum ah cun nan dinhter hna lai i an chungin a chuakmi kha nan la hna lai lo. Cuka i a vuimi cu nan lak i a ummi nan misifak nih i lak hna seh law an nganhmi cu saram nih ei hna seh. Nan mitsur dum le oliv dum zong cu bantuk ṭhiamṭhiam in nan tuah lai.

PHUNGTHLÛKBIA 3:9

Bawipa cu na chawva le na thilri theitlai hmasa bik hna in upat tuah;

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.