NEHEMIAH 10:31 - Lai (Hakha) Common Language Bible 2006

³¹ cun hi ram mi hna nih sabbath ni ah thilri siseh, rawl siseh, zuar awkah an ratpi ahcun kannih nih sabbath ni le nizarh ni ahcun kan caw hna lai lo; cun kum sarihnak kum theipar hna cu kan la hna lai lo i leiba ca biahrennak ca i hrenmi hna cu kan chuah dih hna lai.

NEHEMIAH 10:31 ပူးပေါင်းရင်းမြစ်များ

2 CHANRELNAK 36:21

mah hihi Jeremiah kaa in Bawipa bia a chuakmi, ram nih a sabbath hna cu aa lawmhpi dih hlantiang, timi tlinternak caah khan a si. Kum sawm sarih tlinternak caah khan rawkral in a um chung vialte sabbath kha a ul ko.

NEHEMIAH 13:23

Khi caan ah khan Judah mi Ashdod khuami nu hna le Ammon mi nu hna le Moab mi nu hna a ṭhimi ka hmuh fawn hna;

NEHEMIAH 13:27

Cucaah kannih nih nanmah bia cu ngaiin ramdang minu hna cu ṭhi in hi ṭhat lonak a nganmi vialte hi tuah in kan Pathian cungah cun zumhawktlak loin kan um awk a si hnga maw?” tiah ka ti hna.

EXODUS 12:16

A ni hmasa bik ni le a ni sarihnak ni ah khan biaknak pumhnak nan ngei lai. Cu ni hnih chung cu rian zeihmanh nan ṭuan lai lo, nan ei awk rawl tuahto lawng kha onh nan si.

EXODUS 20:10

sihmanhsehlaw ni sarih ni cu dinh ni a si i Pathian caah nan hman lai. Cu ni ah cun ahohmanh rian nan ṭuan lai lo, nanmah siseh, nan fale si hna seh, nan sal si hna seh, nan saṭil si hna seh, nan khua chung i a ummi miphun dang si hna seh, ahohmanh rian nan ṭuan lai lo.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:3

Ni ruk chung rianṭuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan ṭuan lai lo; nan umnak cio ah Bawipa ca sabbath a si.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.