NEHEMIAH 10:29 - Lai (Hakha) Common Language Bible 2006

²⁹ Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

NEHEMIAH 10:29 ပူးပေါင်းရင်းမြစ်များ

2 SIANGPAHRANG 10:31

Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

2 SIANGPAHRANG 23:3

Cun siangpahrang cu tungpi hram ah khan a dir i, Bawipa kha zulh i a nawlbia hna le a hngalhternak bia hna le a phungbia hna kha a lungthin dihlak le a nunnak dihlak in zulh awk le hi cauk chungah aa ṭialmi biakamnak bia hna kha tuah awkah Bawipa hmaiah khan bia aa kam; cun mi vialte nih khan a tuahmi biakamnak cu an tuahpi ve.

1 CHANRELNAK 9:2

Cun an covo an khua hna chung i a um ṭhan hmasa bik hna cu Israel mi, tlangbawi hna, Levi mi hna, le biaknak inn i rianṭuantu hna kha an si.

2 CHANRELNAK 34:31

Cun siangpahrang cu amah hmun ah khan a dir i, Bawipa kha zulh awk le a nawlbia hna le a hngalhternak bia hna le a nawl hna cu a lungthin dihlak le a nunnak dihlak in tuah awk le hi cauk chung i aa ṭialmi biakamnak bia hna cu tuah awkah Bawipa hmaiah cun biakamnak a ser.

2 CHANRELNAK 6:16

Cucaah maw Bawipa, Israel Pathian, na salpa David ka pa sin i, ‘Na fapale hna nih hin, nangmah nih ka hmaiah na rak kal bantuk khan ka nawlbia chung i kal hi an i ralrin ahcun, Israel mi bawi ṭhutdan cung i ka hmaiah a ṭhu dingmi na ṭhing lai lo,’ tiin bia na rak kammi kha tlinter ko.

NEHEMIAH 13:25

Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

NEHEMIAH 7:46

Biakinn rian ṭuantu hna: Ziha tefa, Hasufa tefa, Tabbaoth tefa,

NEHEMIAH 8:2

Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.

NEHEMIAH 8:3

Cun Ti Kutka hmai i a ummi tual lei hoih khan zingka tein chun tiang, a hngal kho dingmi pa le nu hna hmaiah cun phungbia chung cun a rel i phungbia cauk cu mi vialte nih cun ṭha tein an ngaih.

NEHEMIAH 9:2

Cun Israel mi hna cu ramdangmi hna sin khan an i dang i an dir i an sualnak le an pale ṭhat lonak kha an phuan.

NEHEMIAH 9:38

Hi thil vialte hna ruangah hin a fekmi biakamnak kha caṭial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.

SALM 105:45

zeicahdah cuticun a tuah ti ahcun, ka mi nih ka nawl kha ngai hna seh law ka phunglam kha zul hna seh ti a duh caah a si. Bawipa cu thangṭhat ko u!

SALM 119:106

Na ka cawnpiaknak a dingmi, ka zulh hna lai tiah bia kaa kammi kha, ka zulh taktak hna lai.

SALM 8:1

Maw Bawipa, kan Bawipa, Na lianhngannak cu vawleicung dihlak ah hin a lang ko! Nangmah thangṭhatnak hi van tiang a phan i;

SALM 8:9

Maw Bawipa, kan Bawipa, na lianhngannak cu vawleicung dihlak ah hin a lang ko!

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

JEREMIAH 26:4

Annih cu na thawh hna lai i, Bawipa bia cu hi bangin a si: Ka bia nan ngaih lo i nan hmai i ka chiahmi ka nawlbia kha nan zulh lo i

JEREMIAH 34:15

Nan pupa hna nih cun ka bia cu ngaih an duh lo i ka nawl zong zulh an duh lo. Sihmanhsehlaw nannih tu nih cun tunaite ah sal luatnak ding caah thawng nan thanh i ka hmaika ah, ka min a pumi inn chungah biakamnak nan ser i cucaah ka mithmuh ah a ṭhami thil kha nan tuah.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

NAMBAR 5:21

cu ti a si ahcun, (tlangbawi nih minu cu chiat cu serter seh law, minu sinah chim seh) ‘Na mi hna lakah Bawipa nih nangmah cu chiathrutnak in inter seh, Bawipa nih na phei kha a tlonghter i na pum kha a phinter tikah;

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 15:14

Kan fialmi hna nan tuah ahcun nannih cu ka hawile nan si.

JOHAN 7:19

Moses nih Nawlbia kha an pek hna a si lo mei? Sihmanhsehlaw ahohmanh nih nan zul lo. Zeicahdah keimah lehlam thah nan ka zalh?” tiah a ti hna.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 17:34

Asinain mi cheu cu amah sinah khan an i fon i a chimmi kha an zumh; cu hna cu Areopagas i biaceih bawi a simi Dionisias tehna, nu pakhat a min Damaris a simi tehna, mi dang tlawmpal kha an si.

LAMKALTU 23:21

Sihmanhsehlaw an bia cu ngai hna hlah, zeicahtiah minung sawm li a thli tein amah a bawhmi kha an um. Kan thah hlanah cun rawl zong kan ei lai lo, ti zong kan ding lai lo, tiah chiat an i serh. Cu tuah dingah cun atu ah hin timhcia tein an um ko i nangmah biakhiahnak kha an in hngak ko,” tiah a ti.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

DEUTERONOMI 33:4

Moses nih Jakob mibu ca i ro caah phungbia a kan pek tikah.

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.