NEHEMIAH 10:28 - Lai (Hakha) Common Language Bible 2006

²⁸ A dang a tangmi mi zapi hna, tlangbawi hna, Levi mi hna, kutka cawngtu hna, hlasatu hna, biakinn rian ṭuantu hna cu an nupile le an fanule hna le an fapale hna he tiah, hngalh khawhnak a ngeimi paohpaoh hna le Pathian phungbia ruangah cu ram mi hna sinin aa thleidangmi vialte nih an unau hna lak i hruitu deuhdeuh cu an fonh hna i

NEHEMIAH 10:28 ပူးပေါင်းရင်းမြစ်များ

EZRA 2:70

Tlangbawi hna le Levi mi hna le mi a cheukhat cu Jerusalem le a pawngkam ah khan an um; cun hlasatu hna le kutka cawngtu hna le biakinn rianṭuantu hna kha anmah khua cio ah an um, cun Israel mi vialte cu anmah khua cio ah an um.

EZRA 6:21

Israel mi saltannak in a kirmi hna le Bawipa, Israel Pathian biak awkah anmah sinah khan aa fon i cu ram mi hna thurhnawmhnak in aa thleidangmi vialte hna zong nih an ei ve.

NEHEMIAH 10:27

Malluk, Harim, Baanah an si.

NEHEMIAH 13:3

Mi zapi nih phungbia kha an theih tikah, ramdangmi hrinsor a simi vialte kha an thleidan hna.

NEHEMIAH 8:2

Cun tlangbawi Ezra nih khan phungbia cu, nu he pa he a thei i a hngal kho dingmi aa pummi an dihlak hmaiah khan, thla sarih thla a ni khat ni ah cun a chuahpi.

NEHEMIAH 9:2

Cun Israel mi hna cu ramdangmi hna sin khan an i dang i an dir i an sualnak le an pale ṭhat lonak kha an phuan.

SALM 47:7

Pathian cu vawlei cung dihlak siangpahrang a si; amah cu hla in thangṭhat tuah u.

PHUNGCHIMTU 5:2

Bia na chim hlanah i ruat hmasa, cun Pathian sinah hnawnam in biakamnak ser hlah. Pathian cu vancung ah a um i nang cu vawlei ah na um, cucaah a herhmi hlei in zeihmanh va chim hlah.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

LEVITIKAS 20:24

Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.