NEHEMIAH 1:4 - Lai (Hakha) Common Language Bible 2006

⁴ Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.

NEHEMIAH 1:4 ပူးပေါင်းရင်းမြစ်များ

2 SAMUEL 12:16

Cucaah David nih Bawipa kha ngakchia caah cun a nawl; cun David cu rawl a ul i a lut i vawlei ah zan khuadei a ril ko.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

2 CHANRELNAK 6:13

Solomon nih dar in donhhlei pakhat, dong nga a sau, dong nga a kau i dong thum a sangmi kha tual ah khan a chiah i a cungah cun a dir. Cun Israel mi aa pummi vialte hna hmaiah cun a khuk aa bil i van leiah a kut a phar hna;

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

EZRA 10:1

Ezra cu thla a cam i sual phuannak a tuah i a ṭah i Pathian inn hmaiah cun a rilh ko lioah khan, mibu nganpi, nu he ngakchia he Israel mi chungin amah sinah khan an i pum i mi cu lunghno ngaiin an ṭap.

EZRA 9:3

Mah hi ka theih tikah ka puan hna le ka angki kha ka thleh hna i ka lu sam le ka khahmul kha ka bawh hna i awlokchong in ka ṭhu.

EZRA 9:5

Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i Bawipa ka Pathian sinah cun ka kut ka samh hna i:

NEHEMIAH 2:20

Khi tikah kei nih ka leh hna i, “Vancung Pathian nih khua awng a kan pemhter lai i kannih a sal hna nih hin kan tho lai i kan sak lai; sihmanhsehlaw nannih cu Jerusalem ah hin covo siseh, tinvo siseh, hngalh camcinnak siseh, nan ngei lai lo,” tiah ka ti.

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

SALM 102:15

Miphun kip nih Bawipa cu an ṭih lai, vawlei cung siangpahrang vialte nih a ṭhawnnak cu an ṭih lai.

SALM 136:26

Vancung Pathian hi lawm tuah u, a dawtnak cu zungzal in a hmun. a dawtnak cu zungzal in a hmun.

SALM 137:1

Babilon tiva hna kamah cun kan ṭhu i Zion kan ruah chel paoh ah kan ṭap tawn.

DANIEL 10:2

Khi caan ah cun kei Daniel cu zarh thum kheng zun ngaiin ka um. Rawl thaw paohpaoh kha ei kaa sum, sa zong ka ei lo, zu zong ka ding lo, cun zarh thum a dih hlan cu sathau zong kaa thuh lo.

DANIEL 2:18

Amah Daniel le annih le Babilon mifim hna kha thah an si nakhnga lo, vancung Pathian kha a zaangfahnak kan nawl awk a si, tiah a ti.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

ZEFANIAH 3:18

Nganfak in na ṭahnak kha ka lakpiak lai i Harnak na inmi ruangah cun nihsawh serhsatnak kha na ing ti lai lo.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.