NEHEMIAH 1:3 - Lai (Hakha) Common Language Bible 2006

³ Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

NEHEMIAH 1:3 ပူးပေါင်းရင်းမြစ်များ

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

2 SIANGPAHRANG 25:10

Cun ralveng haotu sinah a ummi Khaldi ralkap vialte nih khan Jerusalem velchum i a ummi kulhnak vampang cu an chimh.

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

EZRA 2:1

Babilon siangpahrang Nebukhadnezzar nih Babilonia ah sal ah a kalpimi hna lakin, sal cannak chungin a kir ṭhanmi Judah ram mi cu mah hna hi an si; annih cu Jerusalem le Judah ah khan an kir, anmah le an khua cio ah khan an kir.

EZRA 5:8

Kannih nih Judah ram ah, a liannganmi Pathian inn ah kan va kal kha siangpahrang nih rak hngal tuah. Lung ngan pipi in an sak i a vampang ah thingah an chon lio a si; hi rian cu fel tein a kal i an rianṭuannak ah an hlawh a tling.

NEHEMIAH 11:3

Peng uktu bawi Jerusalem khua i a ummi hna cu hi hna hi an si; sihmanhsehlaw Judah ram chung khua hna ah khan cun Israel mi a dang hna le tlangbawi hna le Levi mi hna le biakinn rianṭuantu hna le Solomon sinum hna tefa hna cu anmah le an thilri umnak an khua cio ah khan an um ko.

NEHEMIAH 2:13

Zan ah kaa chawk i Nelrawn Kutka in Cenghngia Tikhor tiang, cun Hnawmpon Kutka tiang ka kal i Jerusalem kulhnak vampang a cimmi hna le mei nih a hrawhmi a kutka hna cu ka zoh hna.

NEHEMIAH 2:17

Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

NEHEMIAH 2:3

Cun siangpahrang cu ka thawh i, “Siangpahrang cu zungzal in nung ko seh! Ka pupa hna thlan umnak khuapi cu a rawh ko i a kutka hna cu mei nih a kangh dih hna tikah hin, zeicahdah hmaichia loin ka um hnga,” tiah ka ti.

NEHEMIAH 7:6

Hi ram mi, Babilon siangpahrang Nebukhadnezzar nih sal taannak chungah a kalpimi hna lakin, saltannak chungin a chuakmi cu mah hna hi an si; annih cu Jerusalem khua le Judah ram ah khan a kirmi an si i anmah le an khua cio ah khan an kir.

ESTHER 1:1

Ahasuerus chan, India ram in Ethiopia ram tiang, ram za khat le ram kul le ram sarih a uktu Ahasuerus chan ah khan,

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

PHUNGTHLÛKBIA 25:28

A thin aa sum kho lomi cu, Baohmi khua, kulhnak vampang a ngei ti lomi bantuk a si.

ISAIAH 43:28

Nan uktu pawl nih ka hmunthiang kha an thurhnawmh, cucaah cun Israel mi nan cungah rawhralnak ka tlunter i ka mi hna nan cungah zawmhtaihnak ka phakter,” a ti.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 42:18

Hi bangin Ralkapbu Bawipa, Israel Pathian nih a ti: Ka thinhunnak le ka thinlinhnak cu Jerusalem khuami hna cungah bungh a si bantuk khan Izipt ram i nan kal ahcun nan cungah bungh a si ve lai. Nannih cu vawlhpamhmi, tuksapur, holh chia tlenghnak le thangchiatmi nan si lai. Hi hmun hi zeitikhmanh ah nan hmu ti lai lo, tiah a ti hna.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

JEREMIAH 52:14

Ralvengtu ralkap hna haotu le Khaldi mi ralkap hna nih cun Jerusalem velchum i kulhnak vampang cu an chimh dih.

ṬAHNAK HLA 1:7

Jerusalem nih hremnak a in lio caan le a vahvaih lio caan kha a hngalh camcin ko, A mi hna cu an ral kut chungah an tlak i Annih bawmtu ahohmanh an um lo lio caan kha, a philh kho lo. A ral nih cun a hmuh i a ṭumchuknak kha diriam in a nihsawh.

ṬAHNAK HLA 2:9

A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih Bawipa sinin langhnak an hmu fawn lo.

ṬAHNAK HLA 3:61

Maw Bawipa, an ka zawmhtaihnak le an ka rawinak liangluang hna le,

ṬAHNAK HLA 5:1

Maw Bawipa, zei nih dah a kan tlakhnawh kha philh hlah; Run zoh law zeitluk in dah nihsawh kan si kha run kan hmu tuah.

LEVITIKAS 26:31

Nan khua cu ka ṭiaoter hna lai i nan hmunthiang cu ka ṭhinter hna lai i nan rimthaw cu ka hnim hna lai lo.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.