NAMBAR 9:18 - Lai (Hakha) Common Language Bible 2006

¹⁸ Bawipa nawl pek in Israel mi hna cu an i thawh tawn i Bawipa nawl pek in riahhmun an khuar tawn; minmei cu puan biakinn cungah a cam chung paohpaoh an riahhmun ah cun an cam.

NAMBAR 9:18 ပူးပေါင်းရင်းမြစ်များ

EXODUS 17:1

Israel mibu cu an dihlak in Sin ramcar khan an i thawh i Bawipa nih nawl a pek hna bangin riahhmun pakhat hnu pakhat an i thawn. Refidim ah khan an riak, asinain din awk ti a um lo.

NAMBAR 10:13

Bawipa nih Moses sinin nawl a pekmi hna bangin an i thawh a hmasa bik a si.

NAMBAR 9:16

Cuticun a um camcin ko; chun ah minmei nih, zan ah meialh mui bantuk nih a zelh.

NAMBAR 9:19

Minmei cu puan biakinn cung i a um kha ni tampi a si hmanh ah Israel mi nih Bawipa nawlbia cu an zulh ko i an i thawh lo.

NAMBAR 9:20

Voi khatkhat cu minmei cu puan biaknak inn cungah ni tlawmte lawng a um i Bawipa nawlbia bangin riahhmun ah an cam; cun Bawipa nawlbia bangin an i thawh.

1 KORIN 10:1

Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

2 JOHAN 1:6

Atu i ka chimmi dawtnak a sullam cu Pathian nawl zul in kan nun awk a si ti hi a si ko. Cu nawlbia cu, a hramthawk tein nan dihlak in nan rak theihmi kha, i daw niakmak tein kan um dih awk a si, ti hi a si.