NAMBAR 9:16 - Lai (Hakha) Common Language Bible 2006

¹⁶ Cuticun a um camcin ko; chun ah minmei nih, zan ah meialh mui bantuk nih a zelh.

NAMBAR 9:16 ပူးပေါင်းရင်းမြစ်များ

NEHEMIAH 9:12

Chun ah minmei tung in na hruai hna i zan ah an kalnak lam ceuhpiaktu dingah mei alh tung in na hruai hna.

NEHEMIAH 9:19

na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo.

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

SALM 78:14

Chun ah khuadawm in a hruai hna i zan ah mei ceu in a hruai hna.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

EXODUS 40:38

Pathian an sin i a um hmelchunhnak minmei cu, chun ah Pathian umnak thlam cungah khan a um i zan ah minmei chungah khan mei alh a um; cucu Israel mi nih riahhmun pakhat in pakhat ah an i thawn lengmang ah khan an hmuh zungzal.

1 KORIN 10:1

Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.