NAMBAR 9:13 - Lai (Hakha) Common Language Bible 2006

¹³ Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

NAMBAR 9:13 ပူးပေါင်းရင်းမြစ်များ

GENESIS 17:14

Cuarpar aa tan lomi pa cu a miphun chungin hlonh a si lai, zeicahtiah keimah he biakamnak cu a zul lo,” tiah a ti.

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

EXODUS 12:19

Ni sarih chung, nan inn chungah thilnu nan chia hrimhrim lai lo, thilnu phulhmi changreu a eimi cu nanmah miphun chung mi a si ah, ramdang mi a si ah, Israel mi bu chungin thlei a si lai.

EXODUS 12:47

Israel mi nih nan bu ning tein hi puai cu nan tuah awk a si lai.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

EXODUS 30:38

Ahohmanh hi bantuk zihmui mah hman awkah aa sermi cu a phunhawi sinin thlei a si lai,” a ti.

EZEKIEL 23:49

Na zuanzamnak ziaza caah cun dantat na si lai i na siasal hna ruangah cun dantat na si lai, cun keimah cu Bawipa Pathian ka si kha na hngalh lai,” tiah a ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 17:4

Bawipa puan biakinn hmaiah Bawipa sin i laksawng caah tonnak thlam innka ah a rak put lo ahcun, cu pa cungah cun thisen chuah mawhnak khinh a si lai; thisen a chuah hrimhrim ko; cu pa cu a mi hna sinin hlonh a si lai.

LEVITIKAS 20:20

Pa pakhatkhat nih a pa unau nupi a ihpi ahcun a pa unau pumlawnnak a hlim a si, an sualnak cu an in lai; fa ngei loin an thi lai.

LEVITIKAS 22:9

Biakinn cu an thurhhnawmh ruangah sual an huah i a chungah an thih sual nakhnga lo, ka nawlbia cu an ulh lai, keimah cu Bawipa ka si, keimah nih ka thianter hna.

LEVITIKAS 24:15

Cun Israel mi hna cu, a Pathian chiat a serhtu paoh nih cun amah a sualnak kha a in lai.

NAMBAR 19:13

Ahohmanh nih mithi aho ruak hmanh siseh, a tawngh i aa thianh lo ahcun, Bawipa puan biakinn kha a thurter; cu pa cu Israel mi sinin hlonh awk a si lai; thianhnak ti kha a cungah theh a si lo caah amah cu thianglo a si lai; a thian lonak cu a cungah a tang rih.

NAMBAR 19:20

“Sihmanhsehlaw thianglo a si i aa tleng lomi cu, cu mi cu aa pummi hna lakin hlonh a si lai, Bawipa hmunthiang kha a thurhhnawmhter caah; thianhnak ti kha a cungah theh a si lo caah amah cu thianglo a si.

NAMBAR 5:31

Pa cu ṭhat lonak in a luat lai, sihmanhsehlaw nu nih cun a ṭhat lonak cu a in lai,” tiah a ti.

NAMBAR 9:7

cu hna nih cun a sinah, “Miruak tawnghnak in kannih cu kan thur cang; zeicahdah Israel mi hna lak i a caan khiahmi Bawipa sin i pekchanhnak pek cu nan kan thlauh?” tiah an ti.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.

HEBRU 6:6

Cun annih cu an tlu. Annih cu ngaihchihnak ah kirpi ṭhan khawh an si ti lo. Pathian Fapa kha vailam ah an khenh ṭhan ca le zapi hmaiah ningzak ngaingai in an tuah ṭhan caah ngaihchihnak ah kirpi ṭhan khawh an si ti lo.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.