NAMBAR 9:12 - Lai (Hakha) Common Language Bible 2006

¹² Zinglei tiang a zeihmanh an taanter lai lo, cun a ruh zong pakhat hmanh an khiak lai lo; lanhtak puai ca i nawlbia vialte ning khan an ulh lai.

NAMBAR 9:12 ပူးပေါင်းရင်းမြစ်များ

EXODUS 12:10

An zeihmanh kha zinglei tiang nan tanter hna lai lo, a tangmi a um ahcun mei in nan khangh hrimhrim hna lai.

EXODUS 12:43

Bawipa nih Moses le Aaron cu a thawh hna i, “Lanhtak Puai tuah ningcang cu hi bantukin a si lai: Ramdangmi ahohmanh nih an ei lai lo,

EXODUS 12:46

Sa pum pum khat kha inn pakhat chungah ei a si lai i a zeihmanh kha lengah nan chuahpi lai lo; a ruh pakhat hmanh nan khiak lai lo.

EXODUS 12:8

Cu zan ah cun sa cu a em in nan em lai i thilnu phulh lo changreu le ankha he nan ei lai.

EXODUS 40:38

Pathian an sin i a um hmelchunhnak minmei cu, chun ah Pathian umnak thlam cungah khan a um i zan ah minmei chungah khan mei alh a um; cucu Israel mi nih riahhmun pakhat in pakhat ah an i thawn lengmang ah khan an hmuh zungzal.

NAMBAR 9:3

Atu thla ni hleili ni ah, zan lei ah, a caan khiahmi te ah khan nan ulh lai; a nawlbia vialte le a phunglam vialte ning khan nan ulh lai,” tiah a ti.

JOHAN 19:36

Cathiang nih, “A ruh pakhat hmanh khiah a si lai lo,” tiah a rak timi tlinnak caah khan a si.