NAMBAR 8:8 - Lai (Hakha) Common Language Bible 2006

⁸ Cun cawtum no pakhat le chiti he cawhmi changvut dip a changvut thawinak kha la hna seh, cun cawtum no a dang pakhat sual thawinak caah na lak lai.

NAMBAR 8:8 ပူးပေါင်းရင်းမြစ်များ

EXODUS 29:1

“Aaron le a fapa hna cu ka tlangbawi rian ṭuan awk i nan thleidan hna tikah hitihin nan tuah lai. Cawtum no pakhat le tuukawng pahnih, do a tlami kha nan lak hna lai i

EXODUS 29:3

Bawm chungah nan khumh hna lai i cawtum le tuukawng kha nan thawi hna tikah a bawm ningin nan ka pek lai.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

LEVITIKAS 1:3

“A pekchanhnak cu cawrun chungin khangh thawinak a si ahcun, a tum do a tlami kha pek a si lai; Bawipa hmaiah amah cu cohlan a si nakhnga tonnak thlam innka ah cun a pek lai;

LEVITIKAS 16:3

Sihmanhsehlaw hi bangin Aaron nih hmunthiang chungah, sual thawinak caah cawtum no pakhat le khangh thawinak caah tuukawng pakhat he tiah,

LEVITIKAS 2:1

“Ahohmanh nih changvut thawinak kha Bawipa sin i thawinak ah a rak put tikah, a pekchanhmi cu changvut dipmite a si lai; chiti a toih lai i frankinsen a toih lai i

LEVITIKAS 4:14

annih nih an tuahmi sualnak cu a langh tikah, an zapi in sual thawinak caah cawtum no pakhat an thawi lai i tonnak thlam hmaiah an rak put lai.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.