NAMBAR 8:22 - Lai (Hakha) Common Language Bible 2006

²² Cun cu hnuah cun Levi mi hna cu tonnak thlam chung i Aaron le a fapa hna hmai i an rianṭuan awkah an lut; Bawipa nih Levi mi hna kongah Moses nawl a pek bangin, cu bangin annih cungah an tuah.

NAMBAR 8:22 ပူးပေါင်းရင်းမြစ်များ

2 CHANRELNAK 30:27

Cun tlangbawi hna le Levi mi hna kha an dir i mi kha bongmal an sawmh hna i an aw cu theih a si i an thlacamnak cu vancung i a umnak hmunthiang kha a phan.

2 CHANRELNAK 31:2

Cun Hezekiah nih tlangbawi hna le Levi mi hna kha a phuphu in a ṭhen hna, a phuphu in an rianṭuanning cio khan Levi mi hna le tlangbawi hna cu khangh thawinak ca le daihnak thawinak ca le Bawipa riahhmun kutka i rianṭuantu ding hna le lawmhnak le thangṭhatnak petu hna tiin a chiah hna.

EXODUS 12:50

Israel mi vialte nih khan Moses le Aaron chimmi cu an ngaih i Bawipa nih Moses le Aaron a fialmi hna ning khan an tuah.

NAMBAR 1:50

sihmanhsehlaw Levi mi cu hngalhternak puan biakinn le a thilthuam vialte le a chung i a ummi thil vialte zohkhenhtu ah na chiah hna lai; annih nih puan biakinn le a thilthuam vialte an put awk le an zohkhenh awk a si lai i puan biakinn velchum ah cun riah hmun an khuar lai.

NAMBAR 8:15

Cun cu hnuah cun tonnak thlam i rianṭuan awkah, Levi mi hna cu na tlengh hna i hninh thawinak ca i na pekchanh hna hnuah an lut lai.

NAMBAR 8:21

Cun Levi mi hna nih cun sualnak in an i thianh i an hnipuan kha an suk hna; cun Aaron nih Bawipa hmaiah hninh thawinak bantuk ah a pekchanh hna i annih kha thianh awkah Aaron nih remnak a tuahpiak hna.

NAMBAR 8:23

Cun Bawipa nih Moses sinah,