NAMBAR 8:16 - Lai (Hakha) Common Language Bible 2006

¹⁶ Zeicahtiah annih cu an ningte in Israel mi hna lakin keimah sin i pekmi an si; paw chungin a chuakmi vialte, Israel mi vialte hna fater hna can ah keimah nih kaa lak cang hna.

NAMBAR 8:16 ပူးပေါင်းရင်းမြစ်များ

EXODUS 13:2

“Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti.

NAMBAR 3:12

“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,

NAMBAR 3:13

zeitintiah fater vialte cu keimah ta an si; Izipt ram chung i fater vialte ka thah hna ni ah khan Israel mi hna lak i fater vialte cu, minung siseh, saram siseh, keimah ca hrimhrim ah ka thianter hna; annih cu keimah ta an si lai: keimah cu Bawipa ka si,” tiah a ti.

NAMBAR 3:45

“Levi mi hna cu Israel mi hna lak i fater vialte can ah la hna law, Levi mi saṭil hna cu an saṭil can ah la hna; cun Levi mi cu keimah ta an si lai: keimah cu Bawipa ka si.

NAMBAR 3:6

“Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.

NAMBAR 3:9

Cun Levi mi hna cu Aaron le a fapa hna kha na pek hna lai; annih cu Israel mi chung in amah sinah an ning piin pekmi an si.