NAMBAR 8:11 - Lai (Hakha) Common Language Bible 2006

¹¹ cun Israel mi hna hninh thawinak caah Aaron nih Levi mi hna cu Bawipa sinah a pekchanh hna lai. Bawipa rianṭuan cu annih ta a si naklai.

NAMBAR 8:11 ပူးပေါင်းရင်းမြစ်များ

EXODUS 29:24

Hi rawl vialte hi Aaron le a fapa hna kut chungah khan na chiah hna lai i Bawipa sinah an pekchanh hna lai; an pekchanh hna tikah an kut in an hler hna lai.

LEVITIKAS 7:30

amah kut hrimhrim in a rak put lai; Bawipa hmaiah a ii cu hninh thawinak caah a hninh khawh nakhnga, a thau cu a ii he a rak put lai.

LEVITIKAS 7:34

Zeitintiah Israel mi hna nih an pekchanhmi daihnak thawinak chungin tlangbawi Aaron le a fapa hna cu hninhmi ii le thawimi phei cu ka pek cang hna; mah cucu Israel mi sinin a zungzal in an hmuh awk a si.

LEVITIKAS 8:27

cun mah thil vialte hi Aaron le a fapa hna kut chungah a chiah hna i Bawipa hmaiah hninh thawinak caah a hninh hna.

LEVITIKAS 8:29

Cun Moses nih a ii cu a lak i Bawipa hmai i hninh thawinak caah a hninh; Bawipa nih Moses nawl a pek bangin, mah cucu thleidannak tuukawng chungin Moses vo cu a si.

NAMBAR 6:20

cun tlangbawi nih Bawipa hmai i hninh thawinak ah a hninh hna lai; annih cu tlangbawi ca i a thiangmi covo an si, a ii hninhmi le a phei thawimi he khan; cu hnuah cun Nazir mi nih cun mitsur hang a din khawh lai.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.