NAMBAR 7:89 - Lai (Hakha) Common Language Bible 2006

⁸⁹ Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

NAMBAR 7:89 ပူးပေါင်းရင်းမြစ်များ

1 SIANGPAHRANG 6:23

Chungchin hmunthiang chungah khan cherubim pahnih oliv thing in a ser hna i dong hra veve an sang.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

EXODUS 40:34

Pumhnak thlam cu minmei nih a huh i Bawipa sunparnak kha a chung cu a khat.

EXODUS 40:35

Pumhnak thlam cungah cun minmei kha a um i Bawipa sunparnak cu a chung kha a khah caah Moses cu a lut kho lo.

LEVITIKAS 1:1

Bawipa nih Moses cu a kawh i tonnak thlam chungin a chawnh i hi bangin a ti:

NAMBAR 1:1

Bawipa nih Moses cu Sinai ramlak ah, tonnak thlam chungah cun, Izipt ram in an chuah hnu kum hnihnak kum thla hnihnak thla ni khatnak ni ah cun, a chawnh i hitin a ti:

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

NAMBAR 8:1

Bawipa nih Moses cu a chawnh i,

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.