Biakṭheng cung i khangh awkah tuu kha ka rak put hna lai, meheh khanghmi rim thaw kha aa zel lai i, cawtum le meheh kha raithawinak ah kan pek chanh hna lai.
Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.
a pekchanhmi cu mah hi an si, ngun kheng pakhat shekel za khat le sawm thum a ritmi, ngun pakan kuar pakhat shekel sawm sarih a ritmi, hmunthiang shekel ningin, an pahnih in changvut thawinak ca i chiti he cawhmi changvut dip a khat veve in,
A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.