NAMBAR 6:9 - Lai (Hakha) Common Language Bible 2006

⁹ “Cun mi pakhatkhat cu a pawngah duak tiah a thih sual i a thiantermi a lu kha a buar ahcun, aa thianh ni ah a lu kha aa meh lai; ni sarihnak ni ah aa meh lai.

NAMBAR 6:9 ပူးပေါင်းရင်းမြစ်များ

EZEKIEL 44:27

Hmun Thiang Bik chung i rian ṭuan awkah chungchin tual ah khan an luh tikah, an sual thawinak kha an pekchanh lai, tiah Bawipa Pathian nih a ti.

LEVITIKAS 14:8

Cun thianh awk a simi nih cun a hnipuan a suk hna lai i a sam vialte aa meh dih lai i ti in aa kholh lai i amah cu a thiang lai; cun cu hnuah cun riahnak hmun chungah cun a lut lai, sihmanhsehlaw amah buk lengah ni sarih a um lai.

LEVITIKAS 14:9

Cun ni sarih ni ah a lu cung sam vialte aa meh dih lai; a khahmul le a mittlang hmul vialte aa meh dih lai. Cun a hnipuan kha a suk hna lai i a pum kha ti in aa kholh lai i amah cu a thiang lai.

NAMBAR 6:18

Cun Nazir mi nih a thiantermi a lu cu tonnak thlam innka ah aa meh lai i thiantermi a lu cun sam cu a lak lai i daihnak pekchanh thawinak tang i a ummi mei ah khan a paih lai.

NAMBAR 6:8

Aa thleidan chung vialte Bawipa caah a thiang.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

LAMKALTU 21:27

Ni sarih kha a dongh deng nawn tikah khin Asia ram in a rami Judah mi tlawmpal hna nih Paul kha biakinn chungah cun an hmuh. Mizapi kha an tuai ciammam hna i Paul kha an tlaih.

DEUTERONOMI 21:12

na inn ah na tlunpi lai i a lu aa meh lai i a tin aa riam lai.