NAMBAR 6:2 - Lai (Hakha) Common Language Bible 2006

² “Israel mi cu va chim tuah hna, pa nih siseh, nu nih siseh a si khunmi biakamnak, Nazir biakamnak, Bawipa sin i i thleidan awkah a tuah tikah,

NAMBAR 6:2 ပူးပေါင်းရင်းမြစ်များ

EXODUS 33:16

A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.

PHUNGTHLÛKBIA 18:1

Mi dang he aa rem lomi cu amah duhnak lawng zulh a duhmi a si, midang nih a hmaan an timi paoh kha a hnatlakmi a um lo.

JEREMIAH 35:6

Sihmanhsehlaw annih nih, ‘Kannih cu zu cu kan ding lai lo. Zeicahtiah kan pu Rekhab fapa Jonadab nih nawl a kan pek i,

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

LEVITIKAS 27:2

“Israel mi cu hi bangin va chim hna. Mipa pakhatkhat cu a hleikhun in Bawipa sinah tuahmi biakamnak ruangah Bawipa sinah pek a si ahcun,

NAMBAR 30:3

Asiloah, minu pakhatkhat nih a ngaknut lio a pa inn i a um lioah biakamnak in amah le amah cu i ṭem awkah biakamnak a tuah tikah,

NAMBAR 6:1

Cun Bawipa nih Moses cu a chawnh i hi bangin a ti,

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

HEBRU 7:27

Amah cu tlangbawi dang hna bantuk kha a si lo, amah sualnak caah siseh, midang sualnak caah siseh, ni fate in raithawinak tuah kha a herh lo. Amah le amah raithawinak i aa pek ah khan zungzal ca za in raithawinak pakhat a tuah.

BIACEIHTU 13:14

Mitsur ruang in a chuakmi paohpaoh ei hlah seh, cun mitsur zu siseh a ṭhawngmi zu zong siseh ding hlah seh, cun a thianglo zeihmanh ei hlah seh; nawl ka pekmi vialte kha amah nih ul seh,” tiah a ti.

BIACEIHTU 13:4

Cucaah i ralring tuah, mitsur zu siseh a ṭhawngmi zu siseh na ding lai lo i a thianglo zeihmanh na ei lai lo,

BIACEIHTU 13:5

zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai,” tiah a ti.

BIACEIHTU 16:17

Cun a ruahnak vialte kha a chimh i a sinah, “Lu-ei nam zeihmanh nih ka lu a tawng bal lo; zeicahtiah kei cu ka nu paw chungin Pathian ca i Nazir mi ka si. Ka lu hi meh ahcun ka thazang nih hin a ka kaltak lai i ka der lai i midang bantuk cio ka si ve ko lai,” tiah a ti.

1 SAMUEL 1:28

Cucaah Bawipa kha amah cu ka hlanh cang; a nun chung vialte amah cu Bawipa sinah hlanh a si,” tiah a ti. Cun khika ah Bawipa kha an biak.