NAMBAR 5:7 - Lai (Hakha) Common Language Bible 2006

⁷ sualnak a tuahmi cu a phuan lai i a sualnak caah cun tling tein rulhnak a tuah lai; cheu nga cheu khat a chap lai i a cung i sualnak a tuahnak mi kha a pek lai.

NAMBAR 5:7 ပူးပေါင်းရင်းမြစ်များ

SALM 32:5

Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

LEVITIKAS 26:40

“Sihmanhsehlaw keimah cung i rawinak an tuahnak le keimah ralchanh in an kalnak chung i an tuahmi ṭhat lonak le an pupa hna ṭhat lonak,

LEVITIKAS 26:41

cu ruang i anmah ralchanh in ka kal i an ral hna ram chung i ka luhpinak hna cu an i phuan i cuarpar tan lo an lung cu a nem i an ṭhat lonak kha an i remh ahcun;

LEVITIKAS 5:15

“Ahohmanh nih phung a buar i Bawipa thil a thiangmi pakhatkhat cungah hngalh loin a sual ahcun, Bawipa sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel ning khan ngun shekel zeizat man a si kha na tuak lai; mah cucu phungbuar thawinak a si.

LEVITIKAS 5:16

A thiangmi thil cung i a palhsualnak caah cun rulhnak a tuah lai i a cheu nga cheu khat a chap lai i tlangbawi kha a pek lai; cun tlangbawi nih phungbuar thawinak tuukawng khan remnak a serpiak lai i ngaihthiam a si lai.

LEVITIKAS 5:5

Hi thil pakhatkhat cungah a mawh ahcun, sualnak a tuahmi kha a phuan lai i

LEVITIKAS 7:7

Phungbuar thawinak cu sual thawinak bantuk a si, an pahnih caah phunglam pakhat a si; sa cu remnak a sertu tlangbawi ta a si lai.

NAMBAR 5:8

Asinain, sualnak tuahmi ca rulhnak cohlangtu ah mipa nih khan rualchan a ngeih lo ahcun, sualnak tuahmi ca rulhnak kha Bawipa sinah tlangbawi caah a kal lai, remnak tuukawng, amah ca i remnak sernak hleiah khan.

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

JOSHUA 7:19

Khi tikah Joshua nih Akhan sinah cun, “Ka fapa, Bawipa Israel Pathian sinah sunparnak pe law, amah cu thangṭhat tuah; na tuahmi kha ka chim tuah; ka sinin thup hlah,” tiah a ti.