NAMBAR 5:18 - Lai (Hakha) Common Language Bible 2006

¹⁸ Cun tlangbawi nih minu kha Bawipa hmaiah a dirter lai, a sam kha a phoih lai i a kut chungah hngalh ṭhannak changvut thawinak kha a chiah lai, mah cucu lunghrinnak changvut thawinak kha a si. Cun a kut in tlangbawi nih cun khaatnak ti, chiatnak a tluntertu cu, aa put lai.

NAMBAR 5:18 ပူးပေါင်းရင်းမြစ်များ

PHUNGTHLÛKBIA 5:4

Sihmanhsehlaw a donghnak ah cun anfangkha bantukin a kha i kap hnih har nam bantukin a har.

PHUNGCHIMTU 7:26

Thih nakin a kha deuhmi thil ka hmuhmi cu a lungthin rap le sur a si i a kut cu hreng a simi minu kha a si; Pathian duhnak a tuahmi cu amah sin cun an luat, sihmanhsehlaw misual cu a tlaih hna.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

LEVITIKAS 13:45

“Mithinghmui, cu zawtnak a ngeimi nih cun, hni puan tlek aa aih lai i a sam cu a thlaiter lai i a hmur cunglei cu aa huh lai i, ‘Ka thianglo, ka thianglo,’ tiah a au lai.

NAMBAR 5:15

khi tikah mipa nih a nupi cu tlangbawi sinah a ratpi lai i amah kongah a herhmi pekchanhnak kha a rak put lai, cucu barli dip ephah cheu hra cheu khat a si lai; chiti a toih lai lo, frankinsen zong a toih lai lo, zeicahtiah lunghrinh changvut thawinak, hngalh ṭhannak changvut thawinak a si; ṭhat lonak hngalh ṭhanternak caah a si.

NAMBAR 5:17

cun tlangbawi nih tlak um in ti thiang kha a lak lai i puan biakinn ṭuang i leidip kha tlawmpal in a lak lai i ti chungah cun a paih lai.

NAMBAR 5:19

Cun tlangbawi nih minu cu chiat hi bangin a serter lai i, ‘Nangmah nih na va nawlngeihnak toiah na um lioah ahohmanh nih an in ihpi lo i thurhhnawmhnak leiah naa mer lo ahcun, hi khaatnak ti, chiatnak a tluntertu hin luat ko.

NAMBAR 5:22

hi chiathrutnak a tlunhtu ti hi na paw chungah lut seh law, na pum cu phinter seh law, na phei cu tlonghter seh,’ tiah a ti lai. Cun minu nih cun, ‘Amen, Amen,’ a ti lai.

1 KORIN 11:15

sihmanhsehlaw nu caah cun i chawr awk thil a si. A sam sau cu i khuhnak ding ca i pekmi pei a si cu.

1 KORIN 11:6

Nu nih a lu aa khuh lo ahcun i met lawlaw ko seh. Lukongh le lumeh cu nu caah cun ningzah awk a si caah a lu kha i khuh ko seh.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1 SAMUEL 15:32

Khi tikah Samuel nih, “Amalek mi siangpahrang Agag kha hika ah hin, ka sinah ratpi tuah u,” tiah a ti. Cun Agag cu a sinah cun thanuam ngaiin a ra. Agag nih cun, “Thihnak a khaatnak cu ka lonh cang ko hnga lo maw cu,” tiah a ti.