NAMBAR 32:5 - Lai (Hakha) Common Language Bible 2006

⁵ Cun annih nih, “Nangmah hmaiah mithmai ṭha kan hmuh a si ahcun, hi ram hi na sal hna cu kan coter tuah; Jordan tiva ral ah cun kan kalpi hlah,” tiah an ti.

NAMBAR 32:5 ပူးပေါင်းရင်းမြစ်များ

GENESIS 19:19

Zohhmanh, ka cungah zaangfahnak nganpi na tuah cang i ka nunnak na ka khamh hi na ka zaangfah ruangah cun a si ko. Tlang cu an hla tuk i ka phak hlanah rawhnak nih khan a ka cil lai i ka thi lai.

2 SAMUEL 14:22

Cun Joab cu vawlei ah a bawk i upatnak kha a tuah i siangpahrang kha thluachuahnak a pek; cun Joab nih a thawh i, “Siangpahrang ka bawipa, siangpahrang nih a sal nih a halmi a ka pek caah hin, na sal nih na hmaiah mithmai ṭha ka hmuh tiah nihin ah ka hngalh,” tiah a ti.

ESTHER 5:2

cun siangpahrang nih Siangpahrangnu Esther cu tual i a dir kha a hei hmuh tikah, Esther cu mithmai ṭha a pek i a kut in aa putmi sui bawifung kha amah leiah cun a hlerpiak. Cun Esther nih khan a hei naih i bawifung parte cu a va tongh.

JEREMIAH 31:2

Mah hihi Bawipa bia cu a si: Vainam in a luatmi hna nih khan thetse ram ah zaangfahnak an hmuh; Israel mi hna nih dinhnak kha an duh tikah,

NAMBAR 32:4

Bawipa nih Israel mibu hmaiah a teimi ram hi, saṭil ram a si, cun na salle hna nih hin saṭil kan ngei,” tiah an ti.

NAMBAR 32:6

Sihmanhsehlaw Moses nih Gad fapa hna le Reuben fapa hna sinah cun, “Nan unau hna cu ral an doh lioah nanmah nih hika ah hin nan ṭhu ko lai maw?

DEUTERONOMI 1:37

Nanmah ruangah Bawipa cu keimah cung zongah a thin a hung i, ‘Nangmah zong khika ah na lut ve lai lo;

JOSHUA 7:7

Cun Joshua nih, “Aize, maw Bawipa Pathian, kannih cu hrawh awk men i Amor mi kut chung i pek awkah zeicahdah hi mi hna cu Jordan tiva ral ah na kalpi hna? Jordan tiva ral i khua rak sak kha kan lung rak tling ko seh law mu!

RUTH 2:10

Cun a kun i vawlei lei hoih in a lu a khun in amah cu, “Phun dang mi ka si cu na hngalh ko, asinain, keimah cu na hei ka hngalh duh nakhnga ah, zeicahdah na hmaiah mithmai ṭha cu ka hmuh e?” tiah a ti.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.