NAMBAR 32:4 - Lai (Hakha) Common Language Bible 2006

⁴ Bawipa nih Israel mibu hmaiah a teimi ram hi, saṭil ram a si, cun na salle hna nih hin saṭil kan ngei,” tiah an ti.

NAMBAR 32:4 ပူးပေါင်းရင်းမြစ်များ

1 CHANRELNAK 4:41

Hi an min in ṭialmi hna hi, Judah siangpahrang Hezekiah chan ah khan an ra i, an thlam hna le khika i khua a rak sami Meunim mi hna kha an hrawh hna i nihin ni tiang hin an hloh cikcek hna i an umnak ah khan anmah an um, zeicahtiah khika ah khan an saṭil run hna caah ram a um.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

NAMBAR 21:24

Cun Israel nih vainam in an sam hna i a ram kha Arnon in Jabbok tiang, Ammon mi hna ramri tiang, an lak; zeitintiah Jazer cu Ammon mi hna ramri ah a si.

NAMBAR 21:34

Sihmanhsehlaw Bawipa nih Moses cu a chawnh i, “Amah kha ṭih hlah, zeitintiah amah cu a mi vialte le a ram he na kut chungah kan pek cang; Heshbon ah a ummi Amor mi hna siangpahrang Sihon cungah na tuah bantuk khan, amah cungah na tuah lai,” tiah a ti.

NAMBAR 21:35

Cucaah a fapa hna le a mi vialte hna he, amah caah a taangmi pakhat hmanh um lo tiangin, amah cu an thah i a ram cu an rawlh.

NAMBAR 32:5

Cun annih nih, “Nangmah hmaiah mithmai ṭha kan hmuh a si ahcun, hi ram hi na sal hna cu kan coter tuah; Jordan tiva ral ah cun kan kalpi hlah,” tiah an ti.

DEUTERONOMI 4:38

miphun dangdang nanmah nakin a ngan deuh le a ṭhawng deuh cu, nihin ah a si bang hin, nannih kha luhter awkah le an ram cu ro ca i in pek hna awkah nan hmai in a dawi hna,